Сүрүн Уопсастыба

«Саха сирин талааннара» куонкуруска 5 000-ттан тахса киһи күрэхтэһиэҕэ

«Саха сирин талааннара» куонкуруска сайаапканы тутуу түмүктэммитэ. Бу куонкуруска 5101 киһи сайаапкаласта.

Куонкуруһу СӨ Бырабыыталыстыбата тэрийэр, «Миниистир» дьыалабыай оонньуу саҥардыллыбыт түһүмэҕэ буолар. Манна Саха сирин 18-45 саастаах олохтоохторо кыттыахтарын сөп, оттон былырыыҥҥы «Миниистир» оонньуу кыайыылаахтара кыттыбаттар. Кыттыан баҕалаахтартан тэрийээччилэр балаҕан ыйын 27 күнүттэн алтынньы 26 күнүгэр диэри сайаапкалары туппуттара.

«Саха сирин талааннарын» СӨ Ыччат дьыалаларыгар уонна социальнай коммуникацияларга министиэристибэтэ уонна Инновационнай менеджмент үрдүкү оскуолата иилээн-саҕалаан ыыталлар. Ыарыы туран, куонкурус бары түһүмэхтэрэ тэйиччиттэн ыытыллыахтара.

«Каадырдары бэлэмниир куонкурус сайдарыттан биһиги олус үөрэбит. Сыллата кыттааччы ахсаана элбээн иһэр. Ол аата өрөспүүбүлүкэбитигэр көхтөөх, сонун идиэйэлэрдээх, эрэгийиэммит инникитин саныыр ыччат элбэҕин көрдөрөр», — диэн Ыччат миниистирэ Степан Саргыдаев бэлиэтиир.

Кыттааччыларга иккис түһүмэх алтынньы 29 күнүттэн саҕаланыаҕа.

edersaas.ru

Хаартыска — СИА архыыбыттан.

0
0
Telegram @edersaas20

Добавить комментарий