«Саха сирин талааннара» куонкуруска сайаапканы тутуу бүгүн түмүктэнэр

Бөлөххө киир:

Бүгүн, алтынньы 26 күнүгэр, түүн 00:00 чааска «Саха сирин талааннара» куонкуруска регистрация түмүктэнэр. Тэрийээччилэр биир ый устата саайт нөҥүө кыттыан баҕалаахтартан сайаапкалары туттулар. Билиҥҥитэ 4300-тэн тахса киһи сайаапкаласпыт.

Бу куонкуруһу СӨ Бырабыыталыстыбата тэрийэр. Куонкуруска Саха сирин 18-45 саастаах олохтоохторо кыттыахтарын сөп. Кыттааччылары үс бөлөххө арахсаллар: «А» бөлөх — 18-22 саастаахтар, «В» бөлөх — 23-35 саастаахтар, «С» бөлөх — 36-45 саастаахтар. Куонкуруска былырыыҥҥы «Миниистир» оонньуу кыайыылаахтара кыттыбаттар.

«Саха сирин талааннара» куонкурус «Миниистир» дьыалабыай оонньуу саҥардыллыбыт түһүмэҕэ буолар. Ахсынньыга диэри сүүмэрдиир түһүмэх ыытыллыаҕа. Маныаха кыттааччылары уопсай билиигэ тургутуу күүтэр. Уопсастыбаны, быраабы, экэниэмикэни, айылҕаны, тиэхиньикэни, култуураны, ускуустубаны төһө билэллэрин бэрэбиэркэлиэхтэрэ. Тургутууну кыттааччы 35 мүнүүтэ иһигэр толоруохтаах.

Оттон үһүс түһүмэххэ бэйэни билиһиннэрэр хабааннаах 90 сөкүүндэлээх видео-презентация ирдэнэр.

Бу кэнниттэн хаалбыт 300 бастыҥ кыттааччы салгыы күрэхтэһэр кыахтаныаҕа. Ахсынньыга кинилэр лиидэрдии хаачыстыбаларын, чинчийэр дьоҕурдарын, олоххо сыаннастарын көрдөрүөхтэрэ.

«Саха сирин талааннара» куонкурус кыайыылаахтара өрөспүүбүлүкэ каадырдарын резервэтигэр киириэхтэрэ.


Кыттыан баҕалаахтар сайаапканы бу ссылканан ыытыҥ: https://komanda.sakha.gov.ru/ru-RU/ya-talant

Инстаграм: instagram.com/ya_talant

Билсэр нүөмэрдэргит: +7 (924) 560-44-27

edersaas.ru

+1
0
+1
0
+1
0
+1
0
+1
0
+1
0
+1
0