Экэниэмикэ

Саха сирин түөрт оройуонугар оттук сезона салҕанар

Ханнык улуустарга дьиэлэригэр сылааһый?  

Саха сирин түөрт оройуонугар оттук сезона салҕанар: Аллайыахаҕа, Анаабырга, Усуйаанаҕа уонна Булуҥҥа. Бу туһунан  СӨ ОДьКХ уонна энергетика миниистирэ Вячеслав Емельянов өрөспүүбүлүкэ салаа тэрилтэлэрин кытта ыыппыт тустаах планеркатыгар бэлиэтээтэ.

Бэс ыйын 18 күнүттэн 23 күнүгэр диэри оттук сезона Аллайыаха, Анаабыр уонна Усуйаана оройуоннарыгар толору түмүктэниэҕэ. Булуҥ оройуонугар сылааһынан хааччыйыы сылы эргиччи ыытыллар.

ОДьКХ салаа тэрилтэлэрэ иһитиннэрбиттэринэн, балаһыанньа туруктаах. Уу суолунан оттугу тириэрдии былаан быһыытынан ыытыллар. “СӨ ОДьКХ” ГУП нөҥүө таас чоҕу Дьабарыкы Хайа оннугар Сангаардааҕы таас чох разреһыттан тиэйэллэр. Энергетиктар уот баҕаналарын ойуур баһаардара сиэбэттэрин курдук хонтуруолга туталлар. “Водоканал” АУо уунан хааччыйар ситимнэригэр дезинфекцияны ыытар. “Теплоэнергия” тэрилтэ бэс ыйын 10 күнүгэр ититэр ситимҥэ гидравлическай чинчийиини ыытта уонна бэйэлэрин эбийиэктэрин өрөмүөннүүллэр.

Хапытаалынай өрөмүөн пуондата 207 дьиэҕэ үлэни толорууга хантараак түһэристэ.

Мунньах түмүгэр Вячеслав Емельянов коронавирус дьаҥын утары кэлэктиибинэн иммунитеты үөскэтэр наадатын эттэ. Бүгүҥҥү туругунан салаа тэрилтэлэр үлэһиттэрин 50 бырыһыана уонна тустаах министиэристибэ үлэһиттэрин 66 бырыһыана быһыы ыллылар.

 

СӨ ОДьКХ уонна энергетика министиэристибэтин пресс-сулууспата

Бэлэмнээтэ Женни Стрюкова

Хаартыска: тустаах саайтан

0
0