Нуучча географическай уопсастыбатын көҕүлээһининэн «Хрустальный компас» национальнай бириэмийэҕэ Саха сириттэн түөрт бырайыак куонкуруска киирсэр.
edersaas.ru
Бүгүҥҥү күҥҥэ «Саха сиригэр наука уонна техника» сурунаал бастаан, иккискэ — 365 сылы хабар Амма Солобуодатын историята иһэллэр.
Маны тэҥэ Өймөкөөн улууһугар сүүрбэччэ сыл ыытыллар «Тымныы полюһа» кыһыҥҥы туризм бэстибээлигэр үгүс куолас киирдэ.
«Лена өрүһүнэн уста сылдьан айанныыр университет» Арассыыйа географическай уопсастыбата уонна ХИФУ устудьуоннарын уонна преподавателлэрин холбоһуктаах бырайыага эмиэ бэркэ киирсэн иһэр.
«Хрустальный компас» — география, экология, Арассыыйа историческай-култуурунай нэһилиэстибэтин сырдатар туристическай эбийиэктэри уонна тэрээһиннэри пропагандалыыр бастакы бириэмийэ.
Национальнай бириэмийэ саайтыгар куоластааһын аҕыйах хонугунан түмүктэнэр. Кыайыылаах интернет-куоластааһын түмүгүнэн быһаарыллыаҕа. Онон, Саха сирин олохтоохторо, өрөспүүбүлүкэбит аатын дорҕоонноохтук ааттатар бырайыактары rus-compass.ru аадырыска күн аайы киирэн куоластааҥҥыт өйөөҥ.
Елена ПОТОЦКАЯ, «Саха сирэ», edersaas.ru
Хаартыска — интернеттэн.