Саха сиригэр биллэр-көстөр суруналыыс, «Үйэ» сурунаал эрэдээктэрэ Николай Кривошапкин бэҕэһээ, атырдьах ыйын 10 күнүгэр, дойду бэрэсидьиэнэ Владимир Путин пресс-сэкирэтээрин Дмитрий Пескову көрүстэ.
Бу туһунан суруналыыс: «Бэҕэһээ Москваҕа сылдьаммын Дмитрий Пескову соһуччу көрсүбүтүм, кылгастык да буоллар кэпсэппиппит. Ол күн Адлерга көппүтүм уонна онно тиийэн эмиэ кинини көрсө түстүм. Дмитрий Сергеевич миигин көрөн биллэ, илии тутуста уонна бу сырыыга балай даҕаны уһуннук сэһэргэстибит. Саха сиригэр ойуур баһаарын утары үлэни туоһуласта уонна Украинаҕа буола турар быһыы-майгы тула санаабытын үллэһиннибит. Алтыһыыбыт түмүгэр кэргэнэ Татьяна Навка саҥа туруорбут «Аленький цветочек» шоутугар ыҥырда», — диэн көрсүһүү туһунан санаатын этэр.
edersaas.ru