Сүрүн Успуорт

Саха сирин спортсмена «Азия оҕолоро» рекордун олохтоото

Саха сирин спортсмена Даниил Володин куобахтаан ыстаныыга «Азия оҕолоро» спортивнай оонньуулар рекордун олохтоото. 

Бүгүн Владивостокка «Динамо» стадиоҥҥа чэпчэки атлетикаҕа финаллар буоллулар. Саха сирин сүүмэрдэммит хамаандатын спорстмена Даниил Володин куобахтаан ыстаныыга оонньуулар рекордарын олохтоото. Кини бу иннинээҕи рекордсмен Дмитрий Дмитриев 34 м 2 см көрдөрүүтүн тупсаран, 34 м 61 см ыстанна.

«Мин рекорд олохтуур сыаллаах этим, ол даҕаны буоллар олус долгутуулаах түгэн буолла. Бэйэбиттэн астынным», — диэн Даниил СИА кэрэспэдьиэнигэр санаатын үллэһиннэ. Инньэ гынан, ыстаҥаһыт уол Саха сирин хамаандатыгар иккис кыһыл көмүс мэтээли аҕалла.

 

0
0
Telegram Whatsapp