«Саха сирин саҥа ааттара-2021» кыайыылаахтарын быһаарыахтара

Ааптар: 
Бөлөххө киир:

Бу күннэргэ Мусуука үрдүкү оскуолатыгар сыллата ыытыллар «Саха сирин саҥа ааттара-2021» эрэгийиэннэр икки ардыларынааҕы эдэр талааннар аһаҕас күрэхтэрэ саҕаланна.

edersaas.ru

Хааччахтааһынынан сибээстээн, күрэх куйаар ситимин нөҥүө үс күн устата ыытыллар. Тэрээһин сыала — талааннаах ыччаты арыйыы. Кинилэр айар дьоҕурдарын сайыннарыы, үрдүк таһымнаах мусукаанннары иитэн-такайан таһаарыы. Оҕолору, эдэр ыччаты аан дойду култууратын муусукатыгар сыһыарар соруктаах. Кинилэр айар дьоҕурдарын толорууларын маастарстыбатын үрдэтии.

«Саха сирин саҥа ааттара-2021» күрэҕи Саха Өрөспүүбүлүкэтин култууратын уонна духуобунай сайдыытын министиэристибэтэ, В.А. Босиков аатынан Муусука үрдүкү оскуолата, Саха Өрөспүүбүлүкэтин Дьоҕус академиятын иһинэн үлэлиир талааннаах оҕолору өйүүр эрэгийиэннээҕи киин тэрийэн ыыталлар.

Кыттааччылар алта хайысханан күрэхтэһиэхтэрэ:

  1. Инструмеҥҥа толоруу (фортепиано, духовой инструменнар, струннай, народнай оркестр көрүҥнэрэ)
  2. Ансаамбылынан толоруу
  3. Академическай ырыа
  4. Фольклор
  5. «Муусука — барыбытыгар»
  6. «Эдэр композитор»

Бастакы күн Муусука үрдүкү оскуолатыгар күрэх аһыллыыта буолла. Эҕэрдэ тылларын бырайыак ааптара Сафронова Т.П., миниистир Куприянов Ю.С, СӨ бастакы бэрэсидьиэнин бибилэтиэкэ-киинин билимҥэ салайааччыта Семенов Ю.И. ректор Зайкова Н.М. тиэртилэр.

Г.Кривошапко аатынан Судаарыстыбаннай филармония дирижера Максим Ноговицын, «Саҥа ааттар» 2008 сыллааҕы лауреата уонна «Саҥа ааттар» гран-при лауреата Айсулу Туркебаева курэх символическай уотун уматтылар.

Кыттааччылары Муусука үрдүкү оскуолатын үөрэнээччилэрэ кэнсиэринэн эҕэрдэлээтилэр: духовой оркестр, флейтистар ансаамбыллара, скрипачтар «Виртуозы Якутии» судаарыстыбаннай ансаамбыла, скрипкаҕа Айсулу Туркебаева, арфаҕа Саргылаана Аммосова, фортепианаҕа Виктория Уваровская. Уопсайа, 232 эдэр толорооччу, 93 преподаватель уонна концертмейстер кытталлар.

+1
0
+1
0
+1
0
+1
0
+1
0
+1
0
+1
0