Айылҕа харыстабыла Уопсастыба

Саха сирин үс улууһугар улахан баһаар баар

Авиалесоохрана суһал иһитиннэриитинэн, Бүлүү, Үөһээ Бүлүү, Ньурба, Нам, Дьааҥы, Орто Халыма уонна Томпо улуустарыгар 13 баһаар баара бэлиэтэнэр. Уопсайа, 2632,5 га иэннээх сир умайда. Суукка устата 16 гектар иэннээх икки баһаары умуруорбуттар.

edersaas.ru

Ойуур баһаарын утары үлэҕэ 276 киһи уонна ойууру харыстыыр тэрилтэ салаатын уонна олохтоох нэһилиэнньэ 33 тиэхиньикэтэ туһанылынна. Суукка устата 54 киһилээх 14 патрульнай-хонтуруоллуур бөлөх үлэлээтэ. Ол түмүгүнэн, административнай быраабы кэһиинэн 5 боротокуолу толордулар уонна 291 киһиэхэ баһаартан сэрэхтээх буолуу миэрэлэрин туһунан кэпсээтилэр.

Эрэгийиэн нэһилиэнньэлээх пууннарыгар буруо тахсыытын тиһигин быспакка кэтээн көрөллөр. Гидрометеосулууспа Саха сиринээҕи управлениетын уонна Роспотребнадзор чахчытынан, суукка устата өрөспүүбүлүкэ үс оройуонуттан салгын (атмосферный воздух) 7 боруобатын ылбыттар уонна чинчийбиттэр. Чинчийии концентрация (предельно допустимая концентрация) үрдээбэтэҕин туоһулаабыт.

“Суукка устата 3 саҥа баһаар эбилиннэ, баһаар иэнэ 1937,4 гектарынан улаатта. Ньурба, Орто Халыма уонна Томпо улуустарыгар баар баһаардары управление ураты хонтуруолга тутар. Онно 2446 гектар иэннээх түөрт баһаар баар”, — диэн РФ ЫБММ Саха сиринээҕи кылаабынай управлениетын начаалынньыга Павел Гарин иһитиннэрдэ.

 

РФ ЫБММ Саха сиринээҕи кылаабынай управлениетын пресс-сулууспата.

 Хаартыска: https://ysia.ru/prokuratura-yakutii-vyyavila-fakty-nesvoevremennogo-nachala-tusheniya-lesnyh-pozharov/

 

0
0