Саха сирин үрүҥ халааттаах аанньаллара Владимир Путинтан наҕараадаланнылар

Мэдиссиинэ үлэһиттэрин күнүгэр, Арассыыйа Бэрэсидьиэнэ Владимир Путин, коронавирус дьаҥын бохсууга бары кыһамньыларын, сатабылларын ууран үлэлиир үрүҥ халааттаах аанньаллары уонна мэдиссиинэ наукатыгар үлэлэһээччилэри, Пирогов уордьанынан уонна Лука Крымскай мэтээлинэн наҕараадалыыр туһунан ыйаахха илии баттаата.

edersaas.ru

Үрдүк наҕараадаҕа биир дойдулаахтарбыт бааллара үөрдэр.

Пирогов уордьанынан наҕараадаланнылар:

1. Васильев Николай Николаевич — «Өрөспүүбүлүкэтээҕи килиниичэскэй балыыһа» ГБТ кылаабынай бырааһа, куорат Дууматын дьокутаата, Дьокуускай.

2. Маркова Наталья Иннокентьевна  — «Өрөспүүбүлүкэтээҕи килиниичэскэй балыыһа» ГБТ  кылаабынай бырааһын солбуйааччы.

3. Бугаева Татьяна Тимофеевна — «Өрөспүүбүлүкэтээҕи килиниичэскэй балыыһа» ГБТ  инфекционист- бырааһа.

Лука Крымскай мэтээлинэн наҕараадаланнылар:

1. Козлова Сусанна Сысоевна — «Оҕо инфекционнай килиниичэскэй балыыһата ГБТ» сиэстэрэтэ.

2. Саввинова Екатерина Николаевна — «Өрөспүүбүлүкэтээҕи килиниичэскэй балыыһа» сиэстэрэтэ.

Судаарыстыбыннай наҕараадалары туппут Саха сирин үрүҥ халааттаах аанньалларын ис сүрэхпититтэн итиитик-истиҥник эҕэрдэлиибит, киэн туттабыт!