Саха АССР 100 сыла Экэниэмикэ

Саха сирин олохтоохторун Саха АССР 100 сылынан “Росатом” госкорпорация генеральнай дириэктэрэ Алексей Лихачев эҕэрдэлээтэ

“Роасатом” госкорпорация аатыттан генеральнай дириэктэр Алексей Лихачев Саха сирин бары олохтоохторун Саха АССР 100 сылынан эҕэрдэлээтэ.

Кини бэлиэтээбитинэн,  автономнай өрөспүүбүлүкэ статуһун ылыы саха норуотун култууратын байытыыга, тыл эгэлгэтин харыстааһыҥҥа, экэниэмикэ, наука, бырамыысыланнас уонна духуобунай сайдыытыгар төһүү буолбута. Бүгүн бу баай устуоруйалаах, кэрэ айылҕалаах, сир баайдаах уонна үгүс үтүө үгэстээх эрэгийиэн Арассыыйа судаарыстыбатын сайдыытыгар дьоһун оруолу ылар уонна дойдубут култууратыгар ураты тыыны угар.

“Росатом” госкорпорация Саха Өрөспүүбүлүкэтин энергетикатын сайыннарыыга кыттыыта улахан чиэс уонна эппиэтинэс. Саха сиригэр аан дойдуга бастакы дьоҕус сирдээҕи атомнай ыстаансыйаны тутуу, туох да саарбаҕа суох, Арктика оройуоннарын сайдыытын аартыктары арыйыаҕа, сир-уот ураты экологиятын харыстааһыҥҥа тутаах индустриальнай бырайыактары түргэнник үлэҕэ киллэрэргэ көмөлөһүөҕэ уонна дьон олоҕун таһымын үрдэтиэҕэ”, — диэтэ Алексей Лихачев.

Саха Өрөспүүбүлүкэтин Ил Дарханын  уонна Саха Өрөспүүбүлүкэтин Бырабыыталыстыбатын пресс-сулууспата

Бэлэмнээтэ Женни Стрюкова

Хаартыска: тустаах саайтан

 

0
0
Telegram @edersaas20