Уопсастыба

Саха сирин олохтоохторо Казань оскуолатыгар тахсыбыт быһылаанынан кутурҕаннарын тиэртилэр



Дьокуускай олохтоохторо Доҕордоһуу болуоссатыгар муһуннулар. Кинилэр Казань куорат 175 №-дээх гимназиятыгар дириҥ кутурҕаннарын тиэртилэр. Ытыалааһыҥҥа сырдык тыыннара быстыбыт үөрэнээччилэри уонна учууталлары кэриэстээн сибэкки дьөрбөлөрүн, сымнаҕас оонньуурдары уурдулар.

Бэҕэһээ СӨ Ил Дархана Айсен Николаев саха норуотун аатыттан кутурҕанын тиэрдэрин туһунан ис хоһоонноох телеграмманы Татарстан Бэрэсидьиэнигэр Рустам Миннихановка уонна Казань куорат мэригэр Ильсур Метшиҥҥа ыыппыта. Саха дьоно Казань олохтоохторугар, чугас дьоннорун, оҕолорун сүтэрбит дьиэ кэргэттэргэ кутурҕаннарын тиэрдэллэрин туһунан суруйбута.

«Саха сирэ» хаһыат, edersaas.ru

Хаартыска https://www.sakha.gov.ru

 

0
0