Донецкайтан уонна Луганскайтан кэлбит дьоҥҥо көмөлөһөр сыаллаах-соруктаах Дьокуускайга гуманитарнай көмөнү оҥороллор. Саха сирин хас биирдии олохтооҕо уустук балаһыанньаҕа түбэспит дьоҥҥо-сэргэҕэ үтүө санаатынан көмөлөһүөн сөп.
—Пууҥҥа билигин уонтан тахса киһи бэйэтин баҕатынан кэлэн көмөлөһөр. Уопсастыбаннай палаата уонна бэйэлэрин баҕаларынан тэринэн үлэлиир оргнизациялар чилиэннэрэ дьуһуурустуба тэрийдилэр. Бүгүҥҥү күн туругунан куорат олохтоохторо уонна тэрилтэлэр бэйэлэрин көмөлөрүн оҥороллор. Сүрүннээн оҕо аһылыгын, оонньуурдары, туттар малы-салы уонна таҥаһы-сабы аҕалаллар. Холобур, бэҕэһээ «Биир ньыгыл Арассыыйа» партия чилиэнэ, дьокутаат Дмитрий Семенов 40-тан тахса утуйар таҥас кэмпилиэгин аҕалла. Үтүө дьыаланы оҥорууга кыттыспыт дьоҥҥо махталбын тиэрдэбин. Ким баҕарар көмөлөһүөн сөп«, — диэтэ доброволецтар кииннэрин салайар Айыллаан Винокуров.
Санатан эттэххэ, Донецкайтан уонна Луганскайтан тэскилээбит дьоҥҥо көмөлөһөр сыаллаах олунньу 22 күнүттэн Саха сиригэр доброволецтар кииннэрин баазатыгар пуун үлэлиир. Саха сирин олохтоохторо ыарахан балаһыанньаҕа түбэһэн дьиэтиттэн-уотуттан барар кыһалҕатыгар тиийбит дьоҥҥо көмөлөһүөхтэрин сөп.
Киин үлэтин #МЫВМЕСТЕ ыстаап волонтердара СӨ Уопсастыбаннай палаататын уонна Арассыыйа Кыһыл Кириэһин кытта сүрүннүүллэр.
Пуун Дьокуускай куоракка Орджоникидзе уул. 10 №-гэр, 2 мэндиэмэҥҥэ, аактабай саалаҕа баар. Күн ахсын 10-тан 20 чааска диэри үлэлиир. Ыйытыылаахтар +7411-2-50-88-93, +7411-2-50-88-92 төлөпүөҥҥэ эрийиэххитин сөп.
+1
+1
+1
+1
+1
+1
+1