Саха сирин охчуттара Сибиир уонна Уһук Илин уокуруктарын күрэхтэһиитигэр ситиһиилэннилэр
Саха сирин охчуттарын хамаандата Сибиир уонна Уһук Илин федеральнай уокуруктарга бастыыр иһин күрэхтэһиигэ боруонса наҕарааданы ылла. Күрэхтэһии сэтинньи 4-8 күннэригэр Улан-Удэҕэ ыытылынна.
Саха сирэ икки хамаанданан кытынна: дьахталларга — Арианна Максимова, Белла Сыромятникова, Дайаана Федорова, эр дьоҥҥо — Валентин Яковлев, Сергей Андреев, Айсен Николаев.
«Биһиги хамаандабыт үчүгэй көрдөрүүлээх, бочуот пьедесталыгар таҕыста», — диэн Саха сирин оҕунан ытыыга федерациятын бэрэссэдээтэлэ Василий Николаев этэр.
Күрэхтэһиигэ Арассыыйа 11 эрэгийиэнэ кытынна.
+1
+1
+1
+1
+1
+1
+1