Бу күннэргэ Московскай уобалас Раменскай куоратыгар доруобуйаларынан хааччахтаах спортсменнарга оҕунан ытыыга Арассыыйа куубага буолла.
Саха сирин охчуттара үрдүк таһымнаахтык кытыннылар, икки бириистээх миэстэҕэ таҕыстылар. Кинилэр тириэньэрдэринэн Петр Андросов буолар.
Биирдиилээн бастыыр иһин күрэхтэһиигэ Виктор Скрыбыкин чөмпүйүөннээтэ. Финалга кини 145:144 ахсаанынан Паралимпийскай оонньуулар призерун бүрээт Баир Шигаевы кыайда.
Салгыы хамаанданан күрэхтэһиигэ Виктор Дьулустаан Захаровы кытта үрүҥ көмүс мэтээли ыллылар. Бу бириистээх миэстэни таһынан Дьулустаан Арассыыйа успуордун маастарын нуорматын толордо.
Бу туһунан «Өрөгөй» Успуорка бэлэмнээх буолуу киини пресс-сулууспата иһитиннэрэр.
+1
+1
+1
+1
+1
+1
+1