Култуура Маны аах

Саха сирин музейдарын сэҥээрдилэр, хабылыгы, хаамысканы кэрэхсээтилэр

Ем.Ярославскай аатынан хотугу норуоттар култуураларын, историяларын холбоһуктаах түмэлэ Мурманскайга Арктика музейдарын I бэстибээлигэр кытынна.
Көрөөччүлэргэ САССР үөрэхтээһин 100 сылыгар быыстапка бырайыага сырдатылынна уонна хабылык, хаамыска оонньуулары билиһиннэрдилэр диэн СИА иһитиннэрэр.

Ол курдук, алтынньы 15-17 күннэригэр Мурманскайга «Museum сrossing Arctic World» быыстапка буолла.  Бу Арктика эрэгийиэннэрин музейдарын түмэр, уратыларыгар болҕомтону тардар, сибээһи сайыннарар уонна саҥаны киллэрэр соруктаах ыытылынна.

Тэрээһиҥҥэ Чукоткаттан, Красноярскай кыраайтан, Саха сириттэн, Ненецкэй уонна Ямало-Ненецкэй уокуруктартан, Карелияттан, Архангельскай, Мурманскай уобаластартан кыттыбыттар. Бэстибээл Мурманскайга уобаластааҕы кыраайы үөрэтэр музей тэриллибитэ 95 сылынан ыытыллыбыт.

Манна Саха сириттэн Ем. Ярославскай аатынан музейтан быыстапка салаатын сэбиэдиссэйэ Марианна Стручкова кыттыбыт. Кини «САССР үөрэхтээһин 100 сылыгар» быыстапка туһунан сырдаппыт. Даҕатан эттэххэ, бырайыак 2019 сылтан үлэлиир. Манна 2022 сылга диэри музейга 34 улуустан уонна куорат икки уокуругуттан үлэни-хамнаһы сырдатыахтаахтар.

«Биһиги виртуальный быыстапканан кытынныбыт. Биһирэмҥэ көрөөччүлэри өрөспүүбүлүкэбит музейдарын кытары билиһиннэрдибит. Өссө остуол оонньууларыгар: хабылыкка уонна хаамыскаҕа үөрэттибит. Дьон наһаа сэргээтэ. Хастыыта да төхтүрүйэн күрэхтэспиттэр бааллар», — диир Стручкова.

0
0
Telegram @edersaas20