Күндү Саха сирин олохтоохторо!
Эһигини Саха Өрөспүүбүлүкэтин күнүнэн итиитик-истиҥник эҕэрдэлиибин!
Бу күн биһиги өйбүтүнэн-сүрэхпитинэн 1922 сылга эргиллэбит, оччолорго Саха сирин чулуу деятеллэрин Алексей Кулаковскай, Василий Никифоров, Гавриил Ксенофонтов, Максим Аммосов, Былатыан Ойуунускай, Степан Аржаков, Исидор Барахов уонна да атыттар хорсун быһыыларын түмүгэр Саха Автономнай Сэбиэскэй Социалистическай Өрөспүүбүлүкэтэ төрүттэммитэ. 1922 сыл муус устар 27 күнэ Саха сирин олоҕун саҥа түһүмэҕин саҕалааччынан буолбута, ити түмүгэр көхтөөх социальнай-экономическай сайдыы, култуурунай уонна духуобунай сайдыы саҕаламмыта.
Бүгүн Саха Өрөспүүбүлүкэтэ судургута суох саҥа үйэҕэ уонна саҥа тыһыынча сылга олорор, олох таһыччы саҥа историческай усулуобуйаларга сайдар. Ол эрээри өрөспүүбүлүкэ төрүттэммит төрүт сыаннастара уларыйбатылар. Бу – интернационализм, хардарыта эрэллээх буолуу уонна доҕордоһуу быһыыта-майгыта, быраап судаарыстыбата атаҕар туруута, онуоха бары гражданнарын бырааптара уонна интэриэстэрэ сокуонунан мэктиэлээх буолуута.
Саха сирэ – сүдү экономическай уонна духуобунай кыахтаах өрөспүүбүлүкэ. Уонна биһиги сыалбыт – бу кыаҕы дьон уйгутун, Саха Өрөспүүбүлүкэтин уонна бүттүүн Аҕа дойдубут уйгутун туһугар туһаныы.
Күндү Саха сирин олохтоохторо! Эһиэхэ чэгиэн дорубуйаны, бары саҕалааһыннаргытыгар ситиһиилэри уонна барытыгар этэҥҥэ буолууну! Бырааһынньыгынан!
Вячеслав Штыров, Федерация сэбиэтин чилиэнэ.
+1
+1
+1
+1
+1
+1
+1