Саха сирин кикбоксердара Европаҕа бастыыр иһин турнирга кыттыахтара

Ааптар: 
Бөлөххө киир:

Европаҕа бастыыр иһин күрэхтэһии сэтинньи 5-14 күннэригэр Черногорияҕа ыытыллыаҕа. Манна Саха сириттэн үс спортсмен кыттыаҕа. Бу туһунан «Спорт Якутии» саайт иһитиннэрэр.

Дьокуускайга ыытыллыбыт Арассыыйаҕа бастыыр иһин күрэхтэһии кыайыылаахтара уонна призердара Хатастан Алина Плотникова «лоу-киктаах фулл-контакт» көрүҥҥэ уонна Бүлүттэн Харысхан Колтовской, Надежда Павлова К1 көрүҥҥэ кыттыахтара.

Спортсменнары кытта Черногорияҕа тириэньэрдэр Гавриил Саввин уонна Георгий Халабышев бааллар. Турнир иннинэ спортсменнар уон күннээх бэлэми Московскай уобалас Истринскай оройуонугар национальнай хамаанда тириэньэрдэрин салалтатынан аастылар.

Черногорияҕа ыытыллар турнир пандемия саҕаланыаҕыттан ыччат ортотугар бастакытын ыытыллар тэрээһин буолар. Барыта 39 дойдуттан 1425 спортсмен кыттара күүтүллэр. Оттон Арассыыйаттан 179 спортсмен күрэхтэһиэҕэ.

+1
0
+1
0
+1
0
+1
0
+1
0
+1
0
+1
0