«Саха сирин киэн туттуута»: «Бибилэтиэкэр»номинацияҕа сүүмэрдиир куоластааһыҥҥа кыттыҥ
«Саха сирин киэн туттуута» норуот бириэмийэтигэр «Бибилэтиэкэр» номинацияҕа сүүмэрдиир куоластааһын ыытыллар.
Бу номинацияҕа өрөспүүбүлүкэ бары муннуктарыттан үрдүк таһаарыылаах үлэлээх, билиини-көрүүнү хаҥатарга уонна уопсастыба култуурунай олоҕор көхтөөх кыттыыны ылар, кылааттарын киллэрсэр 16 кандидат кыттар диэн СИА иһитиннэрэр.
Кандидаттарга куоластааһын ыам ыйын 17 күнүттэн саҕаланна уонна норуот бириэмийэтин интернет-былаһааккатыгар — саайт страницатыгар икки түһүмэҕинэн ыытыллар: сүүмэрдиир тур ыам ыйын 21 күнүгэр диэри, түмүктүүр — ыам ыйын 24 күнүттэн 28 күнүгэр диэри.
Кандидаты өйүүргэ golos.ysia.ru киирэҕит уонна куоласкытын биэрэр дьоруойгутун талан баран лайк туруораҕыт. Биир хонукка биирдэ куоластыыгыт.
«Саха сирин киэн туттуута» бырайыак страницатыгар киирэн сиһилии билсиҥ эбэтэр ыйытыыларгытын куратор Александра Смольскаяҕа e-mail: gordost-yakutii@mail.ru, Дьокуускай куорат, Орджоникидзе, 31, 325 үлэ хоһугар аадырыска суруйуоххутун сөп.
Норуот бириэмийэтин тэрийээччи — «Сахамедиа» холдинг. Холдиҥҥа «Саха сирэ», «Якутия» хаһыаттар, YSIA.RU, Edersaas.ru, YakutiaDaily.ru, Yakutia.aif.ru саайтар киирэллэр. Официальнай спонсор: «Киэргэ» ювелирнай фирма. Номинация партнера – СӨ Култуура уонна духуобунай сайдыы министиэристибэтэ.
+1
+1
+1
+1
+1
+1
+1