«Саха сирин киэҥ туттуута»: «Наука диэйэтэлэ» Константин Степановы наҕараадалаатылар
Дьокуускайдааҕы медицина кыһалҕаларын үөрэтэр наука киинин дириэктэрин наукаҕа солбуйааччыта Константин Степанов «Саха сирин киэҥ туттуута» норуот бириэмийэтин «Наука диэйэтэлэ» номинацияҕа кыайыылааҕынан ааттанна. Кини туһугар 1419 куолас киирдэ.
Константин Степанов саха норуотун аһылыгын үөрэтиитинэн дьарыктанар. Кини 27 саҥа аһылык көрүҥүн, 2 БАД, 16 косметика уонна суунар сэбиргэл көрүҥүн таба муоһуттан оҥорбута. Константин Степанов тыа хаһаайыстыбатын наукатын доктора, Саха Өрөспүүбүлүкэтин наукатын бочуоттаах үлэһитэ.
Кыайыылааҕы Бэчээт дьиэтин «Сахамедиа» медиа-киинигэр наҕараадалааһыҥҥа «Сахамедиа» генеральнай дириэктэрин бастакы солбуйааччы Афанасий Ноев, СӨ үөрэҕин уонна наукатын миниистирин бастакы солбуйааччыта Михаил Присяжный, М.К. Аммосов аатынан ХИФУ аһыыр сирдэрин киинин салайааччыта Ульяна Лебедева, «Таба» АУо дириэктэрэ Полина Эверстова аймахтара уонна доҕотторо кэлбиттэрэ.
«СӨ үөрэххэ уонна наукаҕа министиэристибэтэ оҕо аһылыгын кыһалҕатын быһаарыытыгар Дьокуускайдааҕы наука киинин кытта ыкса үлэлэһэр. Константин Степанов үлэлэрин туһанабыт»,-диэтэ Михаил Присяжный.
«Саха сирин киэҥ туттуута» норуот бириэмийэтэ науканан дьарыгырар дьону норуоту кытта чугаһатта, норуокка наадалаахпытын биллибит», — диэн Ульяна Лебедева бэлиэтээтэ.
«Саха сирин киэҥ туттуута» норуот бириэмийэтин тохсус номинациятыгар 11 оройуонтан уонна куораттан 19 наука диэйэтэлэ кыттыыны ылла. Бырайыак сүрүн сыалынан дьон үлэтин, кыайыыларын, бэйэлэрин эйгэлэригэр маастардары, өрөспүүбүлүкэбит сайдыытыгар үлэлээбит дьону норуокка сырдатыы буолар.
Николай Попов, «Саха сирэ» хаһыат, edersaas.ru