Николай Тарскай кэриэһигэр көҥүл тустууга биирдиилээн уонна хамаанданан бастыыр иһин өрөспүүбүлүкэ чөмпүйэнээтэ кулун тутар 21-24 күннэригэр Дьокуускайга, “Триумф” Спорт киинигэр буолуоҕа. Бу туһунан спортивнай тустууга федерация пресс-сулууспата иһитиннэрдэ.
Николай Тарскай түһүлгэтэ киин куоракка тиһэҕин 2015 сыллаахха ыытыллыбыта. Ол кэнниттэн үс сыл субуруччу улуустар кииннэригэр буолуталаабыта. Ол курдук, 2016 сыллаахха – Намҥа, эһиилигэр – Сунтаарга уонна былырыын, 2018 сыллаахха, Чурапчыга тэриллибитэ. Бэлиэтээн эттэххэ, олорго барыларыгар көбүөр хаһаайыттара кыайыылаах тахсыбыттара.
Онон, түөрт сыллаах тохтобул кэнниттэн, биллиилээх судаарыстыбаннай, уопсастыбаннай диэйэтэл, Саха сиригэр физкультурнай, спортивнай хамсааһыны төрүттээбит Николай Тарскай кэриэһигэр Саха Өрөспүүбүлүкэтин көҥүл тустууга чөмпүйэнээтэ Туймаада туонатыгар эргиллэр.
Роман ПОПОВ, «Саха сирэ» хаһыат, eersaas.ru
Хаартыска: интэриниэттэн ылылынна
+1
+1
+1
+1
+1
+1
+1