Маны аах Уопсастыба

Саха сирин IT эйгэҕэ ситиһиилэрин атын эрэгийиэннэргэ таһаарыахха сөп

Эрэгийиэнээҕи кыһалҕалар институттарын научнай салайааччыта Дмитрий Журавлев РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев Саха сиригэр сырыыта эрэгийиэн суолталааҕын уонна салалтатын үлэтэ билиниллибитин этэр диэн санаатын үллэстэр.

«Юрий Петрович Трутнев Саха сиригэр сырыыта Айсен Николаев позицията федеральнай таһымҥа тирэхтээҕин, оттон Саха сирин IT эйгэҕэ ситиһиилэрин атын эрэгийэннэргэ таһаарыахха сөбүн этэр. Эрдэ даҕаны оннук этэ. Айсен Николаев астаапкаҕа барар диир кириитиктэргэ мин хаһан даҕаны итэҕэйбэтэҕим. Ойуур баһаардарын ситуацията салалта үлэтигэр сыыһалардааҕыттан буолбатах, айылҕа иэдээнэ буоллаҕа, атын да эрэгийиэннэргэ баһаар буолбута».

Эспиэр Дьокуускайга креативнай индустрия сайдарын инникилээх диир:

«Дьокуускайга IT эйгэ сайдыаҕа диэн сылыктааһыны мин олус интэриэһиргээтим. Куорат бырамыысыланнас табаарын оҥорон таһаарыы уонна өҥө суотугар сайдыаҕа диирбит сатаммата өйдөнөр. Маныаха климат уонна киин сиртэн ырааҕа сабыдыаллыыр. Аны араас өҥөнү оҥорор эйгэ сайдарыгар туһанааччы элбэх буолуон наада. Оттон ай-ти эйгэ элбэх хамнаһы биэриэҕэ уонна климаттан, ыраахтан тутулуктаммат.

Онон Дьокуускайга аныгы инфраструктураны тутар сорук баар, ол эрээри маннааҕы климат уонна сыбаайаҕа турар дьиэлэр усулуобуйаларыгар маны оҥорор судургута суох».

0
0
Telegram @edersaas20