Саха сирин Ил Дархана: “Биһиги дьон быыбардыыр быраабын туһанарыгар сөптөөх усулуобуйаны тэрийиэхтээхпит”
Ахсынньы 9 күнүгэр өрөспүүбүлүкэ баһылыга Егор Борисов бырабыыталыстыба чилиэннэрин уонна Ил Дархан дьаһалтатын салааларын салайааччыларын кытта планернай мунньаҕар Россия Президенин быыбара Саха Өрөспүүбүлүкэтин сиригэр-уотугар үрдүк тэрээһиннээхтик ааһыахтаахтар диэн иһитиннэрдэ.
«Россия бары олохтоохторо, ол иһигэр Саха сирин олохтоохторо дойдубут инники кэскилин, дьылҕаны быһаарар туһугар сөптөөхтүк талыахтаахтар. Биһиги дьон быыбардыыр быраабын олоххо киллэриигэ сөптөөх усулуобуйаны тэрийиэхтээхпит«, — диэн Борисов эттэ.
Быыбар хамыыһыйаларын уонна кэтээн көрөөччүлэр үлэлэригэр көмөлөһөллөрүгэр бырабыыталыстыбаҕа сорудахтары биэрд. Маны сэргэ ыксаллаах быһыыны-майгыны сэрэтиигэ, ОДьКХ эбийиэктэрин саахала суох үлэлэрин тэрийиигэ сыһыаннаах боппуруостары көрдүлэр.
Санатан эттэххэ, Владимир Путин Аллараа Новгородка “ГАЗ” собуотун оробуочайдарын кытта көрсүһүүтүн кэмигэр 2018 сылга Россия Президенинэн туруорунарын туһунан иһитиннэрбитэ.
«Саха сирэ» хаһыат, edersaas.ru