Сүрүн Экэниэмикэ

Саха сирин хампаанньалара Татарстан эргиэнин тэрилтэлэригэр бородууксуйаларын тиэрдиэхтэрэ

Саха сирин табаары оҥорооччулара Татарстаҥҥа  туох дуогабарын түһэрсибиттэрий?

Сүрдээх барыстаах кэпсэтии буолбут.  

Саха сирин Урбааҥҥа, эргиэҥҥэ уонна туризмҥа министиэристибэтэ Татарстаҥҥа Саха сирин күннэригэр Саха сирин табаары оҥорооччуларын кэпсэтиилэрин ситиһиилээхтик ыытта. Саха сирин биэс хампаанньата ас-үөл бородууктатын Татарстан эргиэн ситимигэр -–“Бахетле” уонна “Эдельвейс” ыытар туһунан дуогабардастылар.

“Биһиги “Саха сиригэр оҥоһулунна” брени хамсатыыга күүскэ үлэлиибит уонна өрөспүүбүлүкэ тас өттүгэр билэллэрин ситиһэбит, онон Саха сирин табаары оҥорооччуларын бородууксуйаларын атын эрэгийиэннэр эргиэн ситимнэрин пуолкаларыгар туруорабыт. Бэс ыйын 10 күнүгэр Саха сирэ уонна Татарстан хардарыта бииргэ үлэлээһиннэрин ситиһэр туһуттан көрсүһүүнү тэрийдибит. Сүрүн сыалбытынан хантараактары түһэрсии уонна бородууталарбытын Татарстан ырыынагар таһаарыы буолар. Биһиги туйгун түмүктэри ситистибит”, — диэн бэлиэтээтэ Саха сирин урбааҥҥа, эргиэҥҥэ уонна туризмҥа миниистирэ Ирина Высоких.

Миниистир этэринэн, “Бахетле” хампаанньаны кытта дуогабары Скиф (Саха сиринээҕи балык хампаанньата), “Сахачай”, “Якутия” ҮАПХ, Лиханов ИП, “Тирэх” СПоК түһэристилэр. “Эдельвейс супермаркеты кытта – СКИФ.

Биһиги уһуннук уонна хардарыта барыстаахтык үлэлииргэ суоттанабыт. Маннык ыкса үлэлээһин Саха сирин оҥорон таһаарааччылара табаардарын батаралларыгар көмөлөһүөҕэ, оттон атыылаһааччыларга – хаачыстыбалаах уонна кылаабынайа, дьиҥнээх бородууксуйаны талалларыгар”, — диэтэ Ирина Высоких.

Бэлэмнээтэ Женни Стрюкова

Хаартыска: саайтан.

0
0