Саха сирин хамаандата саҥа тириэнньэрдэннэ
Дьулуур - Олох-дьаһах

Саха сирин хамаандата саҥа тириэнньэрдэннэ

Тохсунньу 12 күнүгэр, Ил Дархан Айсен Николаев социальнай ситимҥэ быһа биэриигэ блогердары кытары көрсөн кэпсэттэ.

Олимпийскай чөмпүйүөн, аан дойду, Европа хас да төгүллээх чөмпүйүөнэ Хаджимурат Гацалов көҥүл тустууга Саха сирин хамаандатын консультант-тириэнньэрэ буоларга сөбүлэспитин туһунан иһитиннэрдэ уонна инники былааннарыттан үллэстэригэр көрдөстө.

Мин Саха сирин олус күндүтүк саныыбын, тоҕо диэтэр, аан бастакы кыһыл көмүс мэтээлбин Дьокуускайга ылбытым. Ол кэнниттэн аартыгым арыллан, аан дойду, олимпиада кыайыылара кэлбиттэрэ. Онон Саха сирин кытары үлэлиир буолбуппуттан олус үөрэбин.

Саха сиригэр көҥүл тустууга үчүгэй оскуола, үтүө үгэстэр, кыахтаах, кэскиллээх уолаттар, уопуттаах тириэньэрдэр бааллар. Онон баар кыаҕы туһанан, сайыннаран, саҥа үрдэлгэ тахсарга былаанныыбыт. Өрөспүүбүлүкэҕэ көҥүл тустууну сайыннарыы стратегията оҥоһуллубута. Аан дойду, олимпиада көбүөрдэригэр 2-с, 3-с миэстэнэн муҥурдаммакка, кыайарга, кыһыл көмүһү ыларга соруктанан, үлэбитин саҕалаатыбыт, — диэн Хаджимурат Солтанович кэпсээтэ.

Ыспыраапка: Хаджимурат Гацалов 38 саастаах, Хотугу Осетияҕа төрөөбүтэ. Арассыыйа сүүмэрдэммит хамаандатыгар 2001 сылтан баар, 2015 сыллаахха хамаанданы салайан, хапытаан буола сылдьыбыта. 2004 сыллаахха Афиныга буолбут олимпиадаҕа кыайбыта. 2020 сылтан Армения аатыттан тустарын салҕаабыта. Кэргэннээх, 6 оҕолоох, Владикавказка олорор.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

два × 3 =