Саха сирин хамаандата “Эдэр көлүөнэ аграрийдара” бырайыагы билиһиннэрдэ
Агропромышленнай уонна тыа хаһаайыстыбатын сайдыыта дойдуга сүрүн хайысхалартан биирдэстэринэн буолар. Ордук улахан болҕомтону тыа сирин сайыннарыыга, нэһилиэнньэҕэ социальнай экосистиэмэни тутарга, ону тэҥэ, үүнэр көлүөнэни иитиигэ уураллар.
СӨ Бырабыыталыстыбатын бэрэссэдээтэлин солбуйааччы Ольга Балабкина сорудаҕынан, Саха сирин хамаандата «RAISE» социальнай көҕүлээһин Бүтүн Арассыыйатааҕы акселераторыгар кытынна. Устудьуоннар “Эдэр көлүөнэ аграрийдара” социальнай бырайыагы билиһиннэрдилэр.
Бырайыакка агропромышленнай комплекс сайдыытыгар уонна интэриэһи тардыыга итиэннэ үүнэр көлүөнэ үлэ усулуобуйатыгар үөрэнэригэр ураты этиини киллэрэллэр.
Хамаанда кураторынан Стратегическай көҕүлээһин агентствотын социальнай хайысхаҕа уопсастыбаннай бэрэстэбиитэлэ Роза Олесова буолар.
Хамаанда састаабыгар киирдилэр:
- Донской Михаил Николаевич (ФЛФ, БА-ОЖ-18, 3 куурус);
- Петрова Айна Николаевна (Педагогическай кэллиэс, муусука салаата, 2 куурус);
- Петрова Анастасия Петровна (Историческай факультет, БА-ПОИО-19, 2 куурус).
Бу күннэргэ «North Minds» хамаанда Хотугулуу-Илиҥҥи федеральнай университет үөрэҕи таһынан уонна ыччат бэлиитикэтигэр проректора Александр Ильины кытары көрүстүлэр.
СӨ Ил Дарханын уонна Бырабыыталыстыбатын пресс-сулууспата.