Саха сирин хамаандата аан дойдутааҕы Го оонньуу бэстибээлигэр бэһис миэстэлэннэ
“Саха Өрөспүүбүлүкэтиттэн чөмпүйэнээккэ 11 киһи – Саха сирин сүүмэрдэммит хамаандата, Арассыыйа кубогын биирдиилээн бастыыр иһин уонна дьыалабыай бырагыраама кыттааччылара тиийдилэр. Өрөспүүбүлүкэ хамаандата маннык улахан таһымҥа аан бастакытын кытынна уонна Арассыыйаҕа бэһис дьоһуннаах миэстэни, онтон биирдиилээн зачекка биһиги кыттааччыларбыт сүүрбэ бастыҥ иһигэр киирдилэр”, – диэн оскуола дириэктэрэ Надежда Уарова санаатын үллэһиннэ.
С.А.Новгородов аатынан Чурапчы орто оскуолатын 10-с кылааһын үөрэнээччитэ Иван Саввин уонна кини тренер-преподавателэ, нуучча тылын, литэрэтиирэтин учуутала Надежда Захарова официальнай күрэхтэһиигэ “За дебют” кырааматаны уонна Владивостокка ыытыллыбыт “Genius extreme” Го аан дойдутааҕы бэстибээлин иитинэн ыытыллыбыт Го биир бириэмэлээх сеансыгар кыттааччы дипломун туттулар.
Го интеллектуальнай оонньуу аан дойдутааҕы чөмпүйэнээтэ бэс ыйын 3-9 күннэригэр 41-с төгүлүн буолла, Уһук Илиҥҥи федеральнай университет кампуһун билим аныгы, культурнай уонна дьыалабыай киинигэр ыытылынна. Манна аан дойду 57 дойдутуттан уонна эрэгийиэниттэн кэлэн кытыннылар.
Чурапчы улууһун дьаһалтатын пресс-киинэ.