Маны аах Успуорт

Саха сирин дуобатчыттара аан дойдуга бастыыр иһин күрэхтэһииттэн уон мэтээллэннилэр

Саха сирин дуобатчыттара Польшаҕа ыытыллыбыт аан дойдуга бастыыр иһин күрэхтэһиигэ кыттан уон мэтээли ылары ситистилэр. Бу туһунан «Спорт Якутии» саайт иһитиннэрэр.

Классическай бырагыраамаҕа G-16 бөлөххө Тунаара Федорова, G-10 бөлөххө Айыына Прокопьева, G-13 бөлөххө Дайаана Алексеева бастаатылар.  G-13 бөлөххө Айсен Егоров иккис буолла.

Түргэн оонньууга Айыына Прокопьева ( G-10), Алексей Большаков (G-16) кыһыл көмүс мэтээллэри, Дайаана Алексеева (G-13), Айсен Егоров (G-13) уонна Тунаара Федорова (G-16) үрүҥ көмүс мэтээллэри, Алена Большакова (G-19) боруонса мэтээли ыллылар.

 

0
0
Telegram @edersaas20