Быыһааччыларбыт «Нуучча географическай уопсастыбатын» бириэмийэтин ыллылар (видео)
Өрөспүүбүлүкэ быыһааччылара «Тымныы полюһа икки акыйааны ситимниир» диэн Саха сирин айылҕатын, килиимэтин, историятын үөрэтэргэ ураты суолталаах экспедицияларынан документальнай киинэ устан, «НГУо» («Нуучча географическай уопсастыбатын») Бүтүн Россиятааҕы күрэхтэһиигэ кыайыылааҕынан таҕыстылар. РФ президенэ Владимир Путин кыайыылаахтарга – Николай Находкин и Афанасий Николаев бириэмийэлэри туттартаата.
Бу сайын 16 быыһааччы улахан экспедицияҕа турунан, Охотскай муора кытылыттан устан, Чуумпу акыйааҥҥа тахсар сорук туруорбуттара. Өрүстэринэн уста сылдьан, быыһааччылар научнай үлэһиттэри кытта хоту сиргэ үөскүүр көтөрдөрү үөрэппиттэрин таһынан ирбэт тоҥу, климат уларыйарын кэтээн көрбүттэрэ.
«Нуучча географическай уопсастыбата» россиятааҕы күрэхтэһиигэ 400-тэн тахса сайаапка киирбититтэн, Интернет-куоластааһын түмүгүнэн 25 кыттааччы финалга тахсыбыта. Ол иһигэр Саха сирин быыһааччыларын экспедицията киирэн, СӨ быыһааччыларын сулууспатын үлэһиттэрэ Николай Находкин уонна Афанасий Николаев «Уопсастыба билиниитэ» номинацияҕа бастаатылар.
Анивера АКИМОВА.