Уопсастыба

Саха сирин бырайыактара грант ыллылар

Хотугу Пуорум Академията” хотугу сирдэри сайыннарарга көмөлөһөр ассоциация “Эбээн тылын остуоруйаларынан үөрэтэбит” онлайн-бырайыага уонна ХИФУ “Төрөөбүт тылбын таптыыбын” QR-кодтаах инновационнай оробуочай тэтэрээт” бырайыактара РФ норуоттарын тылларын харыстыыр, үөрэтэр пуонда гранын ыллылар.

ХНТ (ООН) 2022-2032 сылларга Төрүт омуктар тылларын 10 сылын биллэрбитэ. Куонкурус бу тэрээһин чэрчитинэн ыытыллар. Сүтэр-симэлийэр кутталлаах тыллары харыстыыр, үөрэтэр. тарҕатар сыаллаах. 

Атырдьах ыйыттан сүүрбэччэ эрэгийиэнтэн барыта 150 сайаапка киирбититтэн, 27 бырайыагы таллылар. Өйөбүл уопсай суумата – 11 мөлүйүөн солкуобай.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

1
0