Бэрэсидьиэн граннарыгар 2 түһүмэҕинэн ыытыллыбыт куонкурус бэс ыйын 11 күнүгэр түмүктэннэ.
Бэрэсидьиэн гранын пуондата уопсайа 2144 бырайыагы өйөөтө. Онтон өрөспүүбүлүкэттэн 218 сайаапкаттан 32-тэ кыайыылааҕынан таҕыста. Уопсайа өрөспүүбүлүкэ бырайыактарыгар 22 258 585,00 солк. суумалаах үбүлээһин көрүлүннэ. Ааспыт сылы кытта тэҥнээтэххэ, 2020 сыл 2-с түһүмэҕэр бырайыак ахсаана 78-нан элбээн биэрдэ.
Уһук Илин уокурук иккис куонкуруһугар 748 сайаапка киирдэ, онтон 117 өйөбүлү ылла. Бэйэтин уокуругар Саха сирэ бастаан таҕыста. Үбүлээһин сууматын ахсаанынан өрөспүүбүлүкэ Хабаровскай кыраай кэнниттэн иккис миэстэҕэ таҕыста. (21 сайаапка суумата — 29 260 743,49 солк.). Үһүс миэстэ — Забайкальскай кыраай: 15 сайаапкаҕа 19 015 812,62 солк.
Муниципальнай оройуоннарынан холобурдаатахха, пуондаттан өйөбүлү 14 муниципальнай оройуон ылла: Кэбээйи – 3, Уус Алдан уонна Хаҥалас — 2-лии бырайыак, Амма, Горнай, Дьааҥы, Үөһээ Бүлүү, Таатта, Чурапчы — 1-дии бырайыак. Сайаапкалар 10 хайысханан өйөннүлэр. Онтон маннык хайысхаларга ордук элбэх бырайыак: доруобуйа харыстабылыгар, чөл олоххо — 8; наука, үөрэхтээһин — 6; култуура уонна ускуустуба — 4; айылҕа, тулалыыр эйгэ уонна кыыл-сүөл харыстабыла; социальнай хааччыйыы уонна өйөбүл — 3; дьиэ кэргэн өйөбүлэ, устуоруйа өйдөбүнньүгэ уонна норуоттар бэйэ бэйэлэрин өйөһүүлэрэ — 2; ыччаты, уопсастыбаннай түмсүүлэри өйөөһүн — 1-дии бырайыак. «Дьокуускай куорат» уокуруга — 16 бырайыак. Уопсайа 1-кы уонна 2-с түһүмэххэ быйылгы сылга Бэрэсидьиэн гранын пуондатыттан Саха сириттэн 64 бырайыак 62 308 407,6 солк. суумаҕа көмүскэннэ. Кыайыылаахтары истиҥник эҕэрдэлиибит!
Бырайыактаргыт түмүктээх буоллуннар!
Елена ПОТОЦКАЯ, «Саха сирэ» хаһыат, edersaas. ru