Саха сирин быраастара — Арассыыйа бастыҥ быраастара

Ааптар: 
Бөлөххө киир:

Бүтүн Арассыыйатааҕы «Призвание» диэн Арассыыйа бастыҥ быраастарын бириэмийэтин ылар үрдүк чиэс Саха сирин быраастарыгар тигистэ.

Генетик-быраастар «За создание нового метода диагностики»  анал аат кыайыылааҕынан буоллулар диэн СӨ Доруобуйа харыстабылын министиэристибэтин пресс-сулууспата иһитиннэрэр. Ол курдук, үөрүүлээх үрдүк чиэскэ-бочуокка Надежда Максимова, М.К.Аммосов аатынан ХИФУ «Молекулярная медицина и генетика человека» научнай-чинчийэр лаборатория салайааччыта, Айталина Сухомясова, ХИФУ медицинаҕа институтун «Молекулярная медицина и генетика человека» научнай-чинчийэр лаборатория наукаҕа сүрүн үлэһитэ, «РБ№1-НЦМ» (1 №-дээх өрөспүүбүлүкэтээҕи балыыһа — медицина национальнай киинэ) медико-генетическэй киин сэбиэдиссэйэ, Ирина Николаева, «РБ№1-НЦМ» перинатальнай кииҥҥэ медико-генетическэй киин консультативнай отделын генетик-бырааһа, Светлана Степанова, «РБ№1-НЦМ» перинатальнай киин молекулярнай-генетическэй диагностика лабораториятын биолога, Елизавета Гуринова, «РБ№1-НЦМ» перинатальнай кииҥҥэ медико-генетическэй киин килиниичэскэй отделын генетик-бырааһа, Анна Ноговицына, «РБ№1-НЦМ» перинатальнай киин медико-генетическэй киинин генетик-бырааһа тигистилэр.

«Призвание» Арассыыйа бастыҥ быраастарыгар туттарыллар бириэмийэ — бу Арассыыйаҕа сүрүн медицинскэй бириэмийэ. Бастакы ханаал, РФ Доруобуйа харыстабылын уонна социальнай сайдыы министиэристибэтэ холбоһуктаах бырайыактара 2001 сылтан баар. Үөрүүлээх быһыыга-майгыга наҕараадалааһын сыллата медицинэ үлэһиттэрин күнүн көрсө ыытыллар уонна бырааһынньык күн (бэс ыйын үһүс өрөбүлүгэр) тэлэбиисэргэ бастакы ханаалга көстөр, иһитиннэрэр-биллэрэр маассабай сириэстибэлэр киэҥник сырдаталлар.

Бэлиэтэнэринэн, уон сыл устатыгар араас эрэгийиэнтэн эмтээһиҥҥэ уонна диагностикаҕа саҥа ньымалары толкуйдаан киллэрбит, наукаҕа чаҕылхай арыйыылардаах, аан дойдуга медицинэ наукатыгар улахан кылааттарын киллэрсибит 300-тэн тахса быраас лауреат үрдүк аатын сүкпүт диэн пресс-сулууспа бэлиэтиир.

+1
0
+1
0
+1
0
+1
0
+1
0
+1
0
+1
0