Саха сирин былааһа Донецкай өрөспүүбүлүкэ 42 оҕотун Краснодарскай кыраайга сынньатыаҕа
Саха сирин былааһа Донецкай норуодунай өрөспүүбүлүкэ 42 оҕотугар Краснодарскай кыраайга сынньалаҥы тэрийиэҕэ. Бу туһунан РФ бэрэсидьиэнигэр СӨ бастайааннай бэрэстэбиитэлэ Андрей Федотов ТАСС-ка иһитиннэрдэ.
«Саха сирэ быйыл 42 оҕоҕо Краснодарскай кыраайга сынньалаҥы тэрийиэҕэ. Мин санаабар, бу наадалаах буоллаҕына, өссө даҕаны көмөлөһүөхпүт», — диир Андрей Федотов.
Кини этэринэн, Донецкай норуодунай өрөспүүбүлүкэҕэ гуманитарнай көмө быыстала суох ыытыллар. «Биһиги онно эми-тому, бастакы наадалаах малы ыытабыт, салгыы даҕаны ыытыахпыт. Мэдиссиинискэй тэриллэринэн куораттааҕы балыыһаҕа көмөлөһөбүт (Кировскай куоракка, ТАСС бэл.)», — диэн Андрей Федотов бэлиэтиир.
+1
+1
+1
+1
+1
+1
+1