Олунньу 22 күнүгэр өрөспүүбүлүкэ Боксаҕа федерациятын уочарата суох мунньаҕа буолла. Боксердар биэс боппуруоһу көрдүлэр, ол иһигэр бырабылыанньа саҥа састаабын таллылар, диэн “Спорт Якутии “ иһитиннэрэр.
Уопсастыбаннай тэрилтэ салайааччыта Петр Алексеев 2018 сыллааҕы үлэни отчуоттаата. Хонтуруоллуур-ревизиялыыр хамыыһыйа бэрэссэдээтэлэ Геннадий Тарасов үп отчуотун оҥордо. Салгыы федерация чилиэннэрэ тэрилтэ устаабыгар уларытыылары киллэрдилэр. Ону тэҥэ федерация саҥа састаабын таллылар.
Арассыыйа спордун маастара, Олимпийскай оонньуулар призердара Георгий Балакшин федерация бастакы вице-бэрэсидьиэнинэн талылынна. Бэрэссэдээтэли солбуйааччынан Дьокуускай к. Физическэй култуураҕа уонна спорка управлениетын начаалынньыга Константин Бурцев буолла.
Федерация саҥа састаабыгар Мэҥэ Хаҥалас улууһун баһылыга Николай Старостин, ЛОРП генеральнай дириэктэрэ Сергей Ларионов, «Якутцемент» дириэктэрэ Алиш Мамедов, Дьокуускай куорат Боксаҕа федерациятын бэрэссэдээтэлэ Гаврил Парахин, Арассыыйа үтүөлээх тириэньэрэ Артур Пахомов уонна урбаанньыт Леонид Шитик талылыннылар.
Саха Өрөспүүбүлүкэтин Боксаҕа федерациятын бырабылыанньатын саҥа састааба:
Бочуоттаах бэрэссэдээтэл – Борисов Егор Афанасьевич, Арассыыйа Федерациятын Федеральнай Мунньаҕын Федерация Сэбиэтин чилиэнэ;
Бэрэссэдээтэл – Алексеев Петр Вячеславович, “Өрөспүүбүлүкэтээҕи инвестициялыыр хампаанньа” АУо генеральнай дириэктэрэ;
Бэрэссэдээтэли бастакы солбуйааччы – Балакшин Георгий Русланович, Арассыыйа боксаҕа спордун үтүөлээх маастара;
Бэрэссэдээтэли солбуйааччы – Бурцев Константин Семенович, Дьокуускай куорат физкултуураҕа уонна спорка управлениетын начаалынньыга;
Бэрэссэдээтэли солбуйааччы – Павлов Степан Михайлович, урбаанньыт;
Толорооччу дириэктэр — Диодоров Иван Гаврильевич.
Бырабылыанньа чилиэннэрэ:
Семенов Анатолий Аскалонович, Саха Өрөспүүбүлүкэтин инновацияҕа, цифровой сайдыыга уонна инфокоммуникационнай тиһиктэргэ миниистирэ;
Старостин Николай Прокопьевич – Мэҥэ Хаҥалас улууһун баһылыга;
Ларионов Сергей Александрович – “Өлүөнэтээҕи холбоһуктаах пароходство” генеральный дириэктэрэ;
Мамедов Алиш Забид оглы – “Якутцемент” АУо генеральнай дириэктэрэ;
Никифоров Алексей Артамонович – Суут бириистэптэрин федеральнай сулууспатын Саха Өрөспүүбүлүкэтигэр управлениетын салайааччыта;
Семенов Дмитрий Александрович – “Лена” ПЭСАЗ генеральнай дириэктэрэ, Саха Өрөспүүбүлүкэтин норуодунай дьокутаата;
Куприянов Максим Аммосович –“Республиканская специализированная детско-юношеская спортивная школа г. Якутска” дириэктэрэ;
Михайлов Александр Михайлович – ССРС норуоттар икки ардыларынааҕы кылаастаах маастара;
Семерков Валентин Игоревич – “Континент” ХЭТ генеральнай дириэктэрэ;
Парахин Гаврил Павлович, Саха Өрөспүүбүлүкэтин норуодунай дьокутаата;
Пахомов Артур Иннокентьевич – Арассыыйа үтүөлээх тириэньэрэ;
Явловскай Георгий Романович – урбаанньыт;
Акимов Андрей Афанасьевич – урбаанньыт;
Шитик Леонид Викторович – урбаанньыт;
Федоров Дмитрий Николаевич – Арассыыйа боксаҕа спордун маастара.
СИА