Маны аах Уопсастыба

«Саха сирин бастыҥ табаардара — 2021» күөн күрэскэ кыттыҥ

Бүтүн Арассыыйатааҕы  «Арассыыйа 100 бастыҥ табаара» сыл ахсын ыытыллар күөн күрэс бырагырааматын иитинэн, СӨ Бырабыыталыстыбатын 2013 с. муус устар 16 күнүнээҕи  386-р №-дээх «Саха сирин бастыҥ табаардара» куонкуруһу ыытыы туһунан» дьаһалыгар олоҕуран, «Саха сирин бастыҥ табаардара» өрөспүүбүлүкэтээҕи күөн күрэс ыытыллар.
СӨ Урбаан, атыы-эргиэн уонна туризм министиэристибэтэ улуустар истэригэр тэрээһини саҕалааһын уонна ыытыы туһунан иһитиннэрэр.
Күөн күрэс олохтоох бэйэ оҥорон таһаарыытын сайыннарар, хаачыстыбаны, өҥөнү оҥорууну, тэрилтэлэр куоталаһар кыахтаах буолалларын үрдэтэр, үлэни-хамнаһы көҕүлүүр, салгыы сайыннарар сыаллаах-соруктаах ыытыллар. Бэйэ оҥорон таһаарыытын сайыннарыы өрөспүүбүлүкэ уонна хас биирдии улуус социальнай-экэнэмиичэскэй бэлиитикэтин сүрүнүнэн буолар.
Күөн күрэс номинацияларынан ыытыллар, түһүмэхтэринэн араарыллар. Ол курдук, I түһүмэх – муниципальнай. II түһүмэх — өрөспүүбүлүкэтээҕи күөн күрэс. III түһүмэх — күөн күрэс түмүгүн таһаарыы (атырдьах ыйа, 2021 с.).
СӨ Урбаан, атыы-эргиэн уонна туризм министиэристибэтэ тэрилтэлэри, организациялары, урбаанньыттары күөн күрэскэ көхтөөхтүк кыттаргытыгар ыҥырар.
Улууска (оройуоҥҥа), куорат уокуругар сүүмэрдээһин түмүгүн туһунан от ыйын 16 күнүгэр диэри биллэрэҕит.
Ыйытыылаахтар мантан чопчулаһыаххытын сөп:
— «Государственный региональный центр стандартизации, метрологии и испытаний в Республике Саха (Якутия)» (Якутский ЦСМ) ФБУ, Шеина Наталья Евгеньевнаҕа 8(4112)42-80-44, 89248658563 төлөпүөнүнэн эрийиэххитин эбэтэр e-mail: sert@yakcsm.ru киирэн чуолкайдыаххытын сөп;

— СӨ Урбаан, атыы-эргиэн уонна туризм министиэристибэтэ, Федорова Мария Васильевнаҕа эрийиэн ыйыталаһыаххытын сөп, төлөпүөн 8(4112)506-243, e-mail: minpred.torg@mail.ru.

0
0