Саха сирин бары улуустарыгар оттук сезона саҕаланна

Бөлөххө киир:

Саха сирин 35  улууһугар оттук сезона саҕаланна. Бу туһунан бүгүн, балаҕан ыйын 10 күнүгэр,  СӨ ОДьКХ уонна энэргиэтикэҕэ миниистирэ Вячеслав Емельянов  СӨ Бырабыыталыстыбатын бэрэссэдээтэлэ  Андрей Тарасенко  кыттыылаах кыстыкка бэлэмнэниигэ аналлаах мунньахха иһитиннэрдэ.

«Бүгүҥҥү туругунан  өрөспүүбүлүкэ 35 улууһугар оттук сезона саҕаланна. Өлүөхүмэ оройуонугар оттук сезона сарсын, ол эбэтэр балаҕан ыйын 11 күнүттэн, саҕаланар», — диэн Вячеслав Емельянов иһитиннэрдэ.

ОДьКХ уонна энергиэтикэ  эбийиэктэрэ быйылгы оттук сезонун 97 % бэлэмнээх көрүстүлэр.   Миниистир бэлиэтээбитинэн, ордубут 3 %  оттук сезонун саҕаланыытыгар улахан  сабыдыалы оҥорбот.  Итиинэн хааччыйарга туһаныллар оттук улуустарга  84 % тиэрдиллибит. Хаалбыта алтынньыга диэри аадырыстарын булуохтара. Миниистир Вячеслав Емельянов оройуон баһылыктарыгар кыстыкка бэлэмнэнии анал пааспарын ыларга сөптөөх  үлэни тэрийэллэригэр эттэ.

edersaas.ru

+1
0
+1
0
+1
0
+1
0
+1
0
+1
0
+1
0