Саха сирин баһылыга Сахациркэ дириэктэрин Монакоҕа бэстибээлгэ кыттыбытынан эҕэрдэлээтэ
“Саха сирин Бриллиантовай циркэтин” дириэктэрэ Сергей Расторгуев Саха сирин Ил Дарханыгар Айсен Николаевка “Du Cirquede Monte-Carlo” циркэ искусствотын норуоттар икки ардыларынааҕы бэстибээлигэр сырыытын туһунан кэпсээтэ.
“Быйыл 25 сылын туолар Сахациркэтэ бу Монте-Карлотааҕы бэстибээлгэ хаста даҕаны сырытта уонна араас сылларга Саха сирин циркачтара араас наҕараадаларга тиксибиттэрэ. Онтон Саха сирэ норуоттар икки ардыларынааҕы 43-с бэстибээлгэ кыттыылара ураты этэ.
Монако принцессата Стефания уонна Европа Циркэҕэ ассоциациятын бэрэсидьиэнэ Урс Пиллс ыҥырыыларынан Сахациркэтин дириэктэрэ Сергей Расторгуев бу бэстибээл дьүүллүүр сүбэтин алта чилиэнин иһигэр киирсибитэ. Кини иннинэ Арассыыйаттан бу чиэскэ Росгосциркэ дириэктэрэ Дмитрий Иванов уонна Цветной бульварга Москватааҕы циркэ худруга уонна дириэктэрэ Максим Никулин кыттыбыттара. Мин Сергей Васильевиһы кини үлэтин үрдүктүк сыаналаабыттарынан эҕэрдэлээтим. Сир үрдүнэн саамай хотугу циркэ сайдыытын инники былааннарын кэпсэттибит”, — диэн инстаграмҥа бэйэтин тус сирэйигэр Айсен Николаев суруйда.