Саха сирин баһылыга Арассыыйа Наукаларын академиятын бэрэсидьиэнин кытта көрүстэ
Саха сирин Ил Дархана Айсен Николаев олунньу 27 күнүгэр Арассыыйа Наукаларын академиятын бэрэсидьиэнэ Александр Сергеевы кытта көрүстэ.
— Уһук Хоту дойдуну уонна Арктиканы салгыы сайыннарарга саҥа киэҥ билии-көрүү, күрэстэһэр кыахтаах технологиялар уонна бородуукталар, аан дойду таһымнаах чинчийиилэр уонна оҥорон таһаарыылар наадалар, итилэр тас партнердары уонна экэниэмикэ секторын субъектарын кытта фундаментальнай академическай наука тиһэх ситиһиилэрин туһанан ыкса кэпэрээссийэлэһэн ыытыллыахтара, — диэн эттэ Саха сирин Ил Дархана Айсен Николаев.
Саха Өрөспүүбүлүкэтин бастакы Бэрэсидьиэнэ Михаил Николаев кыттыылаах бу көрсүһүүгэ кэпсэтии матырыйааллары, тиэхиньикэ уонна технология элеменнэрин, айылҕа уустук усулуобуйатын тыыннаах систиэмэлэр төһө тулуйалларын чинчийиигэ Саха сиригэр бастыҥ наука киинин арыйар, дьоҕурдаах оҕолор үөрэнэллэригэр, ол иһигэр естественнэй дьиссипилиинэлэргэ оскуолалар тиһиктэрин сайыннарыы туһунан кэпсэттилэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата