Саха сирин бөҕөһө Румынияҕа норуоттар икки ардыларынааҕы турнирга кыайда!
Саха сирин бөҕөһө Станислав Свинобоев Румынияҕа норуоттар икки ардыларынааҕы турнирга кыһыл көмүс мэтээли ылла диэн «Якутия 24» телеханаал иһитиннэрдэ.
Арассыыйа юниордарга сүүмэрдэммит хамаандатын састаабыгар биһиги спортсмеммыт 70 кг диэри ыйааһыннаахтарга туһунна. Турнирга Саха сирин бөҕөһө бириэмэтин иннинэ Финляндия (10:0), Украина (10:0) уонна Румыния (12:2) бэрэстэбиитэллэрин, түмүккэ 12:10 счетунан Европа-2018 призерун Станислав Новагы (Молдова) кыайда.
Станислав Свинобоев атырдьах ыйыгар Уфаҕа (Башкортостан) аан дойдуга бастыыр иһин күрэхтэһиигэ кыттыахтаах.
+1
+1
+1
+1
+1
+1
+1