Саха сирин, Калининград уобалаһын, Приморье, Хабаровскай кыраай балыыһаларыгар “Якутия” технопаарка уонна Дьокуускайдааҕы айти-паарка резиденнэрэ оҥорбут бырайыактара киирдилэр.
“Мондино” уонна “Мондино Технолоджес” нейро-ситим билигин Саха сирин, Калининград уобалаһын, Приморье, Хабаровскай кыраай 23 балыыһатыгар туһаныллар буолуоҕа. Бу бырайыагынан туһанан балыыһалар ыарыһах диагноһын эрдэттэн чинчийэн көрөр кыахтаныахтара. Холобур, глаукома, искэҥ ыарыыларын чинчийэн көрөргө уонна онно сөп түбэһэр эми-тому аныырга туһаныахтара.
Бырайыак ааптара Виктор Белостоцкай бэлиэтииринэн, бу саҥа сервиһы туһанан быраастар ыраахтан олорон ыарыһахха диагноз туруорар, киниэхэ эми-тому аныыр кыахтаныахтара. Ыарыһах бэйэтин төлөпүөнүгэр анал сыһыарыы хачайдаан бырааһы кытары быһа сибээстэһэ олоруон сөп. Бу бырайыак быйыл Шанхайдааҕы куонкуруска кыайыылааҕынан тахсыбыта.
Ил Дархан Айсен Николаев эрдэ айти-хампаанньалары өйүүргэ, Саха сирин бырайыактарын киэҥ эйгэҕэ таһаарыыга этиилэри киллэрэн турар.
Аграфена КУЗЬМИНА