Сүрүн Үөрэх уонна наука Эдэр саас

Саха сирин 8 үөрэнээччитэ нуучча тылын 100 баалга туттарда

Нуучча тылыгар биир кэлим эксээмэни 100 баалга туттарбыт оҕолор ааттара билиннэ. Бу — Дарья Чёрная (24-с нүөмэрдээх оскуола, Мииринэй улууһа), Игорь Назаренко, Арина Перепелица уонна Айталина Санникова (Дьокуускай куорат лиссиэйэ), Ирина Иванова (Н.А. Алексеева аатынан тиэхиньиическэй лиссиэй), Күөрэгэй Бурцева, Татьяна Лебедева уонна Алёна Николаева (Өрөспүүбүлүкэтээҕи лиссиэй-интэринээт).

edersaas.ru

Нуучча тылыгар биир кэлим эксээмэн быйыл икки күн устата буолла: бэс ыйын 3 уонна 4 күннэригэр. Бастакы күн 208 эксээмэн тутар пууҥҥа, кыттааччы баһыйар үгүс ахсаана, 5452 киһи туттарда. Бэс ыйын 4 күнүгэр 18 пууҥҥа 921 киһи туттарда. Үрдүк баалы (70-тан тахса) 2060 оскуоланы бүтэрээччи ылла.

Санатан эттэххэ, биир кэлим эксээмэн түмүгүн үөрэммит оскуолаҕытыттан, ону тэҥэ, http://checkege.rustest.ru порталга көрүөххүтүн сөп.

 

 

СӨ Үөрэҕин уонна наукатын министиэристибэтин саайтыттан.

0
0