Саха сирин олохтоохторо COVID-19 анаалыһын түмүгүн түргэнник билэр кыахтаныахтара

Бөлөххө киир:

Арассыыйа цифровой уонна медийнай өҥөлөрү биэрэр хампаанньаларыттан бастыҥнара Саха сирин поликлиникаларын уонна балыыһаларын «МТС Коммуникатор» диэн сервискэ холбоото. Бу сервис көмөтүнэн коронавирус анаалыһын түмүгүн SMS-иһитиннэрии нөҥүө нэһилиэнньэҕэ тиэрдэхтэрэ.

edersaas.ru

Бу саҥа өҥөнү киллэрии поликлиника колл-кииннэрин үлэтин аҕыйатыахтаах диэн бырайыак ааптардара этэллэр.

Билиҥҥи туругунан,  SMS-иһитиннэриилэри Мииринэй киин балыыһата, Дьокуускай  3-с №-дээх балыыһата уонна 1-кы №-дээх поликлиника ыыталлар. Сотору кэминэн өссө хас даҕаны чааһынай уонна судаарыстыбаннай тэрилтэлэр  бу өҥөнөн туһанар буолуохтара.

Дьокуускай 3-с №-дээх балыыһатын сүрүн бырааһа Светлана Давыдова этэринэн, маннык SMS-иһитиннэрии анаалыс оҥоһуллар уонна биллэр болдьоҕун кыччатар, балыыһаҕа иккистээн кэлэри аҕыйатар эбит.

sakha.gov.ru

+1
0
+1
0
+1
0
+1
0
+1
0
+1
0
+1
0