Саха сирин 15 үөрэнээччитэ эксээмэнин 100 баалга туттарда

Литератураҕа уонна химияҕа эксээмэни 100 баалга туттарбыт оҕолор ааттара билиннэ. Бу – Горнай, Мэҥэ Хаҥалас, Мииринэй, Нерюнгри, Сунтаар, Чурапчы улуустарын, Дьокуускай куорат оскуолаларын, Өрөспүүбүлүкэтээҕи лиссиэй-интэринээт уонна М.К. Аммосов аатынан ХИФУ анал үөрэтэр-научнай киинин – лиссиэйин  үөрэнээччилэрэ.

edersaas.ru

“Саха сирин 8,2 тыһыынча оскуоланы бүтэрээччититтэн 5950 киһи биир кэлим эксээмэни талбыта. Уопсайа, 231 эксээмэн тутар пуун аһыллыбыта, ол иһигэр 7 пуун мэдисcиинэ быһаарыытынан дьиэлэригэр үөрэнэр оҕолорго. Бүгүҥҥү күҥҥэ, бэс ыйын 16 күнүгэр георгафия, химия уонна литература эксээмэннэрин түмүгэ билиннэ. Химияны 100 баалга 2 киһи, литератураны 13 киһи туттарда”, — диэн СӨ үөрэҕин уонна наукатын миниистирэ Михаил Сивцев эттэ.

Нуучча литературатын 100 баалга туттардылар:

1. Фёдорова Валерия Валерьевна (Бэрдьигэстээх улуустааҕы гимназията, Горнай улууһа)
2. Иванова Лидия Ивановна (Кеша Алексеев аатынан Хаптаҕай оскуолата, Мэҥэ Хаҥалас улууһа)
3. Петрова Евгения Ильинична (Ф.Г. Охлопков аатынан Майа оскуолата, Мэҥэ Хаҥалас улууһа)
4. Павлова Айыына Валерьевна (Сунтаардааҕы политиэхиньиическэй лиссиэй-интэринээт, Сунтаар улууһа)
5. Филиппова Дария Константиновна (С.К. Макаров аатынан Чурапчы гимназията, Чурапчы улууһа)
6. Чернышева Диана Романовна (Л.А. Попугаева аатынан 19-с нүөмэрдээх оскуола, Миринэй улууһа)
7. Шумакова Арина Руслановна (24-с нүөмэрдээх оскуола, Миринэй улууһа)
8. Беломестнова Ольга Альбертовна (26-с нүөмэрдээх оскуола, Миринэй улууһа)
9. Иванов Владислав Евгеньевич (А.Г. уонна Н.К. Чиряевтар ааттарынан Дьокуускай куорат национальнай гимназията, Дьокуускай куорат)
10. Постникова Дайаана Гаврильевна (Ф.К. Попов аатынан 20-с нүөмэрдээх оскуола, Дьокуускай куорат)
11. Сутакова Анжелика Захаровна (В.И. Малышкин аатынан 23-с нүөмэрдээх оскуола, Дьокуускай куорат)
12. Хлынова Алла Олеговна (В.И. Малышкин аатынан 23-с нүөмэрдээх оскуола, Дьокуускай куорат)
13. Макарова Арина Павловна (Өрөспүүбүлүкэтээҕи лиссиэй-интэринээт)

Химияны 100 баалга туттардылар:

1. Шавейко Ангелина Александровна (С.С. Каримова аатынан Нерюнгри куорат 1-кы нүөмэрдээх гимназията, Нерюнгри улууһа)
2. Бариева Луиза Ринатовна (М.К. Аммосов аатынан анал үөрэтэр-научнай киин – университет лиссиэйэ).

СӨ Үөрэҕин уонна наукатын министиэристибэтин пресс-сулууспата.