Саха Өрөспүүбүлүкэтин Ил Дархана Егор Борисов «Саха Өрөспүүбүлүкэтин судаарыстыбаннай наҕараадаларынан наҕараадалааһын туһунан» 2017 с. сэтинньи 16 күнүнээҕи Ыйааҕынан «Дьоруой-Ийэ» бэлиэни уонна 1 мөлүйүөн харчыны Саха сирин 14 ийэтэ ылыаҕа.
edersaas.ru
Маннык наҕараада оҕону иитиигэ ураты өҥөлөрүн, дьиэ кэргэни бөҕөргөтүүгэ, дьиэ кэргэн үгэстэрин сайыннарыыга кылааттарын, өр сыллаах актыыбынай уопсастыбаннай үлэлэрин иһин бэлиэтэнэллэр.
«Дьоруой-Ийэ» бэлиэнэн наҕараадаланаллар:
АЛЕКСЕЕВА Галина Трофимовна – 10 оҕону төрөппүт уонна ииппит (Таатта улууһун Ытык күөл с.);
АРГУНОВА Ольга Александровна – 11 оҕону төрөппүт уонна ииппит (Уус Алдан улууһун Тиит Арыы с.);
ВАРЛАМОВА Вера Семеновна – 10 оҕону төрөппүт уонна ииппит (Уус Алдан улууһун Бороҕон с.);
ВИНОКУРОВА Ефросиния Александровна – 10 оҕону төрөппүт уонна ииппит (Таатта улууһун Хара Алдан с.);
ГЛАДКИХ Галина Сергеевна – 11 оҕону төрөппүт уонна ииппит (Хаҥалас улууһун Мохсоҕоллоох б.);
ИЛЬИНА Любовь Егоровна – 10 оҕону төрөппүт уонна ииппит (Чурапчы улууһун Мындаҕаайы с.);
ЛЬВОВА Акулина Иннокентьевна – 12 оҕону төрөппүт уонна ииппит (Сунтаар улууһун Сунтаар с.);
НЕУСТРОЕВА Галина Иннокентьевна – 11 оҕону төрөппүт уонна ииппит (Мэҥэ Хаҥалас улууһун Бэдьимэ с.);
ПЕТРОВА Саргылана Михайловна – 14 оҕону төрөппүт уонна ииппит (Сунтаар улууһун Аллаҥа с.);
СПИРИДОНОВА Лидия Николаевна – 12 оҕону төрөппүт уонна ииппит (Ньурба улууһун Маар с.);
СТРУЧКОВА Евдокия Ивановна – 10 оҕону төрөппүт уонна ииппит (Булуҥ улууһун Намы с.);
УСТИНОВА Туйара Петровна – 10 оҕону төрөппүт уонна ииппит (Амма улууһун Эмис с.);
ФЕДОРОВА Ньургуйаана Ньургустановна – 10 оҕону төрөппүт уонна ииппит (Таатта улууһун Ытык Күөл с.);
ШЕСТАКОВА Мария Иннокентьевна – 11 оҕону төрөппүт уонна ииппит (Кэбээйи улууһун Лүксүгүн с).
ЫСПЫРААПКА:
«Дьоруой-ийэ» саҥа судаарыстыбаннай бэлиэни Егор Борисов 2017 с. муус устар 21 күнүгэр бигэргэппитэ. Маннык докумуон Ил Дархан элбэх оҕолоох дьиэ кэргэттэри кытары тус көрсүһүүтүн түмүгэр ылыллыбыта.
Маны сэргэ «Ийэ албан аата» I, II, III истиэпэннээх бэлиэни ылбыт ийэлэр 50, 75 уонна 100 тыһыынча суумалаах биир кэмнээх көмөнү ылаллар.
10 уонна онтон элбэх оҕолоох дьиэ кэргэттэр тырааныспар атыылаһалларыгар биир кэмнээх төлөбүрүнэн, олорор усулуобуйаларын тупсарарга субсидиянан туһаналлар.
«Дьоруой-Ийэ» үрдүк ааты Саха сиригэр 15 сылтан итэҕэһэ суох кэм устата олорбут дьиэ кэргэттэр кыра оҕолоро 1 сааһын туоллаҕына ылаллар.
Оҕолор ахсааннарыгар иитэ ылбыт оҕолоро эмиэ киирэллэр. Дьоруой-Ийэ үрдүк аатыгар муниципальнай оройуоннар уонна куорат уокуруктарын олохтоох уорганнара түһэрэллэр.
Надежда ЕГОРОВА, «Саха сирэ» хаһыат, edersaas.ru