Саха сирин нэһилиэнньэтин 44,5 %-на кириип уонна ОРВИ утары быһыыны ылла

Бүгүн, алтынньы 27 күнүгэр, Ил Дархан Айсен Николаев салайааччылаах коронавируһу бохсууга өрөспүүбүлүкэ суһал ыстааба уочараттаах мунньаҕа буолла.

Мунньахха анаалыс түмүгүн күүттэриини түргэтэтии, кириип, ОРВИ утары быһыыны ылыы уонна Дьокуускай куорат оптуобустарын тула кэпсэтии таҕыста.

Саха сирин сүрүн санитарнай бырааһа Маргарита Игнатьева иһитиннэрбитинэн, кириип уонна ОРВИ утары быһыыны Саха сирин нэһилиэнньэтин 44,5 %-на ылбыт. Вакцина иккис баартыйата сэтинньи саҕаланыыта кэлэрэ күүтүллэр.

Оттон коронавируска сутуллубут дьонтон 86,5 %-на улахан, үксүгэр үлэлиир кыахтаах дьон ыалдьыбытын быраас эттэ.  Ыалдьыбыт дьонтон 13,5 %-на оҕолор буолаллар. Ол эрээри, саастаах дьон ыарыыга сутуллуута эмиэ элбэх эбит.

edersaas.ru

Хаартыска — minzdrav29.ru, СИА