Саха сирин алта нэһилиэгэр оскуола, уһуйаан, ФАП тутуллуоҕа

Бөлөххө киир:

Нам, Өлүөхүмэ, Сунтаар, Уус Алдан, Чурапчы улуустарыгар баар алта нэһилиэк тыа сирин сайыннарыы бырайыагар киирдэ. Онон 2022-23 сылларга бу улуустарга уһуйааннар, оскуолалар, фельдшерскэй-акушерскай пууннар, инфраструктура эбийиэктэрэ тутуллуохтара, итиэннэ тырааныспарынан хааччыллыахтара.

Бу бырайыакка хапсыбыт нэһилиэктэр испииһэктэрэ Тыа хаһаайыстыбатын министиэристибэтин саайтыгар таҕыста. Манна Саха сириттэн алта нэһилиэк киирбит. Ол курдук, Нам улууһун Хомустааҕар успуорт саалата өрөмүөннэниэҕэ, уулусса уоттаныаҕа, амбулатория санитарнай тырааныспарынан хааччыллыаҕа. Оттон Бүтэй-Үрдэ нэһилиэккэ ФАП тутуллуоҕа уонна култуура киинэ өрөмүөннэниэҕэ.

Өлүөхүмэ улууһун Мача бөһүөлэгин амбулаторията массыыналаныаҕа уонна манна уу ыстаансыйатын туруоруохтара. Сунтаар Хордоҕой сэлиэнньэтигэр успуорт комплекса тутуллуоҕа, лиссиэйгэ, социальнай-култуурунай кииҥҥэ, амбулаторияҕа массыыналары ылыахтара.

Маны сэргэ улахан үлэ Уус Алдан улууһун Бэрт-Ууһун нэһилиэгэр ыытыллара былааннанар. Манна 120 миэстэлээх оскуола уонна уһуйаан тутуллуохтара, канализационнай ыраастыыр тэрил ылыллыаҕа, амбулатория массыынанан хааччыллыаҕа.

Чурапчы Одьулуунугар локальнай уу ситимэ уонна олорор дьиэлэргэ гаас тардыллыаҕа, норуот айымньытын дьиэтигэр массыына ылыахтара.

СИА.

+1
0
+1
0
+1
0
+1
0
+1
0
+1
0
+1
0