Доруобуйа

Саха сирин 106 011 олохтооҕо коронавируһу утары быһыыны ылла

Саха сиригэр 44 мэдиссиинискэй тэриллиигэ коронавируһу утары быһыыны биэрэллэр, манна 244 вакцинация пууна үлэлиир. 119 мобильнай биригээдэ тэрилиннэ.

Муус устар 28 күнүнээҕи туругунан, өрөспүүбүлүкэҕэ 114 412 доза быһыы кэлбитэ биллэр. Быһыыны биэрии саҕаланыаҕыттан 106 011 олохтоох киһи бастакы быһыыны ылбыт, ол иһигэр 60 сааһын ааспыт 26 320 киһи ылбыт.

Иккис быһыыны 60 449 киһи ылбыт, онтон 14 211 киһитэ 60 сааһын ааспыт.

Өрөспүүбүлүкэҕэ кэлбит вакцина 93,3%-а бэриллибит.

0
0