Айсен Николаев: «Суол хаһаайыстыбатын салаата Саха сирин социальнай-экэнэмиичэскэй сайдыытын сүрүн хайысхаларыттан биирдэстэринэн буолар»

Ааптар: 
Бөлөххө киир:

Суол хаһаайыстыбатын ытыктабыллаах үлэһиттэрэ!

Саха Өрөспүүбүлүкэтин уонна тус бэйэм ааппыттан эһигини идэлээх бырааһынньыккытынан – Суол хаһаайыстыбатын үлэһиттэрин күнүнэн эҕэрдэлиибин!

Суол хаһаайыстыбатын салаата Саха сирин социальнай-экэнэмиичэскэй сайдыытын сүрүн хайысхаларыттан биирдэстэринэн буолар.  Тырааныспар сайдыылаах инфраструктурата, хаачыстыбалаах уонна куттала суох суоллара суох Саха сирин олоҕун таһымын үрдэтии, бырамыысыланнас үүнүүтүн, эрэгийиэн инвестицияны тардыытын туһунан кэпсэтэр кэрэгэй буолуоҕа.

Киэҥ-куоҥ сирдээх-уоттаах сүүһүнэн тыһыынча Саха сирин олохтооҕун таарыйар Саха сиригэр тырааныспарынан сырыы дьоһун суолталаах. Суол хаһаайыстыбатын үлэһиттэрэ эрэ бэйэлэрин идэлэрин үрдүктүк баһылаан, үлэлэригэр үтүө суобастаахтык сыһыаннаһан, өрөспүүбүлүкэ куораттарын, сэлиэнньэлэрин уонна нэһилиэктэрин тырааныспарынан хааччыйыы боппуруоһун эппиэтинэстээхтик быһаараллар. Эһиги иннигитигэр тырааныспар быыстала суох сырыытыгар улахан эппиэтинэс сүктэриллэр.

Быйыл төһө да уустук эпидемиологическай балаһыанньа буоллар, өрөспүүбүлүкэбитигэр федеральнай уонна өрөспүүбүлүкэ суолталаах массыына суолларын тутуу, саҥардан оҥоруу, хапытаалынай өрөмүөн үлэтэ биир да күн тохтообото, ити түмүгэр биһиги суолбут үлэһиттэрэ рекорд буолар көрдөрүүлэри ситистилэр. 2020 сыл бүтүөр диэри “Куттала суох уонна хаачыстыбалаах массыына суоллара” национальнай бырайыак көмөтүнэн суол хаһаайыстыбатын үлэһиттэрэ эрэгийиэннээҕи 211 килэмиэтир усталаах суолу уонна Дьокуускай куоракка 23,5 килэмиэтир уулусса-суол тиһигин нуормаҕа эппиэттиир гына оҥоруохтара.

Алтынньы иккис декадатыгар өрөспүүбүлүкэ олохтоохторо өр кэтэспит “Бүлүү” федеральнай тыраассатыгар тахсар “Кэбээйи” массыына суолун  киллэрии күүтүллэр. “Умнас”, “Анаабыр”, “Амма”, “Нам” эрэгийиэннээҕи массыына суолларын учаастактарыгар улахан үлэ ыытылынна.

Инникитин даҕаны төрөөбүт өрөспүүбүлүкэбит суолун-тырааныспарын тиһигин тэтимнээхтик сайыннаран, чуолкайдык уонна тэрээһиннээхтик үлэлиэххит диэн эрэнэбин.

Суол хаһаайыстыбатын бары үлэһиттэригэр чэгиэн доруобуйаны, дьолу-соргуну, этэҥҥэ буолууну, Саха сирин уонна дойдубут бүттүүнүн сайдыыларын туһугар бары дьыалаларгытыгар уонна саҕалааһыннаргытыгар ситиһиилэри баҕарабын!

Саха сирин баһылыга Айсен Николаев.

Мария Васильева хаартыската, СИА.

+1
0
+1
0
+1
0
+1
0
+1
0
+1
0
+1
0