Саха сирин 10 учуутала федеральнай куонкуруһу кыайда

Саҥа үөрэх дьыла саҕаланыан иннинэ өрөспүүбүлүкэ 10 учуутала РФ Үөрэҕириигэ министиэристибэтэ ыыппыт сүүмэрдиир куонкуруска кыайыылаҕынан таҕыста. Педагогическай үлэҕэ ситиһиилэрин иһин кинилэргэ федеральнай хааһынаттан 200  тыһ. солк. бириэмийэ ананар.

edersaas.ru

СӨ Ил Дархана Айсен Николаев бэлиэтээбитинэн, учууталлар Бүтүн Арассыыйатааҕы куонкуруска кыайыылара, өрөспүүбүлүкэ оскуолаларыгар идэлэригэр чахчы бэриниилээх дьон үлэлииллэрин туоһулуур. Санатан эттэххэ, Ил Дархан 2024 сылга үөрэх хаачыстыбатынан Саха сирэ Арассыыйа 15 бастыҥ эрэгийиэнин кэккэтигэр киириэхтээх диэн сорудахтаабыта. Бу соругу ситиһэргэ сүрүн оруол педагогтарга сүктэриллэр.

Өрөспүүбүлүкэтээҕи түһүмэххэ 55 учуутал кыттыбыта, онтон 33-һэ тыа сирин, 22-тэ куорат  оскуолатын учууталлара. Кинилэр кэккэлэригэр алын кылаас, нуучча тылын уонна литэрэтиирэтин, саха тылын уонна литэрэтиирэтин, технология, математика, англия тылын, биология, химия, информатика, география уонна устуоруйа учууталлара бааллар.

Эрэгийиэннээҕи түһүмэҕи ситиһиилээхтик ааспыт федеральнай куонкурус кыайыылаахтара:

1. Федорова Любовь Георгиевна, Сунтаардааҕы политиэхиньиическэй лиссиэй-интэринээт технологияҕа учуутала (Сунтаар улууһа);
2. Терешкина Валентина Дмитриевна, С.Г.Черных аатынан Дьокуускай куорат 16-с нүөмэрдээх оскуолатын алын кылааһын учуутала;
3. Семенова Оксана Николаевна, Н.Е.Иванов аатынан эбии биридимиэттэри үөрэтэр агропрофилированнай хайысхалаах Бөтүҥ оскуолатын биологияҕа учуутала (Амма улууһа);
4. Дьячковская Татьяна Николаевна, Д.П.Коркин аатынан олимпийскай эрэллэри бэлэмниир өрөспүүбүлүкэтээҕи интэринээт-оскуола англия тылыгар учуутала (Чурапчы улууһа);
5. Федорова Любовь Афанасьевна, Дьокуускай куорат 26-с нүөмэрдээх оскуолатын технологияҕа учуутала;
6. Бидикина Елена Валерьевна, Алдан куорат 1-кы нүөмэрдээх оскуолатын англия тылын учуутала (Алдан улууһа);
7. Матвеева Павлина Артемовна, И.М.Павлов аатынан Чурапчы оскуолатын нуучча тылын уонна литэрэтиирэтин учуутала (Чурапчы улууһа);
8. Михайлова Зинаида Варфоломеевна, биирдиилээн биридимиэттэри дириҥэтэн үөрэтэр Болугур оскуолатын алын кылааһын учуутала (Амма улууһа);
9. Заморщикова Варвара Васильевна, Дьокуускай куорат 31-с нүөмэрдээх оскуолатын алын кылааһын учуутала;
10. Екшибаров Виктор Геннадьевич, Мииринэйдээҕи политиэхиньиическэй лиссиэй информатикаҕа учуутала (Мииринэй улууһа).

 СӨ Ил Дарханын уонна СӨ Бырабыыталыстыбатын пресс-сулууспата.