Саха сиригэр биир табаҕа көрүллэр субсидияны улаатыннарыахтара. Бу миэрэ табаһыттар хамнастарын үрдэтэргэ төһүү буолуоҕа. Сокуон туһааннаах барылын эрэгийиэн бырабыыталыстыбатыгар көрдүлэр.
Миниистирдэр кэбиниэттэрин чилиэннэрэ “СӨ муниципальнай оройуоннарын уонна куораттааҕы уокуруктарын олохтоох салайыныыга уорганнарын тыа хаһаайыстыбатын оҥорон таһаарыытын судаарыстыба кэккэ боломуочуйаларын биэрэр туһунан” сокуоҥҥа уларытыылары киллэриини өйөөтүлэр.
“Сокуон бырайыага хотугу дьиэ табатын иитиини өйөөһүн субвенциятын кээмэйин нуорматын биир таба төбөтүгэр 4 122,6 солкуобайтан 4 995, 5 солкуобайга диэри улаатыннарар сыаллаах уонна технологическай каартаны оҥоруу ньыматыгар сөп түбэһиннэрэн, табаны иитэр хаһаайыстыбалар үлэһиттэрин хамнастарын төлөбүрүн кээмэйин алын таһымыгар диэри тиэрдиини учуоттаан сүрүннүүр коэффициеннэри уларытыынан, табаны ыстаадаҕа көрүүгэ көрүллэр ороскуоту ааҕыынан торумнаммыта”, — диэн быһаарыы сурукка этиллэр.
Салгыы сокуон барылын Саха сирин парламенын көрүүтүгэр киллэриэхтэрэ.
Санатан эттэххэ, өрөспүүбүлүкэ баһылыга Айсен Николаев сорудаҕынна 2022 сылга табаны иитии салаатын өйөөһүн биллэрдик улааппыта. Эрэгиийэн бүддьүөтүгэр бу сыалга 1 млрд 45 мөл солк. тахса үп көрүллүбүтэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбтаын пресс-сулууспата
Бэлэмнээтэ Женни Стрюкова
Хаартыска: тустаах саайтан