Саха сиригэр өссө 40 киһи коронавируһунан ыарыйда

Ааптар: 
Бөлөххө киир:

Брифинг кэмигэр иһитиннэрбиттэринэн, кэлиҥҥи сууккаҕа өрөспүүбүлүкэҕэ 40 киһи хамсык дьаҥар сыстыбыт. Өрөспүүбүлүкэ лабораторияларыгар сууккаҕа 2112 анаалыһы оҥорбуттар. Бүгүҥҥү туругунан бастакы быһыыны 41 782, иккис быһыыны 24 007 киһи ылбыт.

edersaas.ru

Дьокуускай куоракка – 31

Мииринэй улууһугар – 3

Нерюнгри улууһугар – 2

Кэбээйи, Мэҥэ Хаҥалас, Уус Маайа, Орто Халыма улуустарыгар – биирдии түгэн. Кэлиҥҥи нэдиэлэҕэ 13 улууска ыарыы биир даҕаны түгэнэ бэлиэтэммэтэх.

СӨ бырабыыталыстыбатын бэрэссэдээтэлин солбуйааччы Ольга Балабкина: “Дьокуускай куоракка ааспыт нэдиэлэни кытта тэҥнээн көрдөххө, ыалдьыбыт киһи ахсаанын эбиллиитэ бэлиэтэнэр. Бу бастатан туран, балачча элбэх хааччахтааһын миэрэлэрэ уһуллубуттарын кытта сибээстээх. Ол түмүгэр оҕолор да, улахан дьон даҕаны араас тэрээһиннэргэ, үөрэх тэрилтэлэригэр сылдьаллар. Ол эрээри, хааччахтааһын миэрэлэрэ уһулла иликтэр. Култуура маассабай тэрээһиннэрин ыытарга дьон ахсаанын миэстэ биэс уон бырыһыаныгар эрэ толоруллуохтаах”, — диэн санатан эттэ.

 

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0